Ályktanir

Aðalfundur Landverndar sem haldinn er árlega sendir frá sér nokkrar ályktanir. Oftast beinast þær að stefnumótun og ákvarðanatöku stjórnvalda. Milli aðalfunda sendir stjórn samtakanna frá sér ályktanir og fréttatilkynningar um umhverfismál sem efst eru á baugi hverju sinni.

Umhverfisráðherrar arktískra svæða hvattir til aðgerða vegna "black carbon"

Náttúruverndarsamtök og frjáls félagasamtök á Norðurslóðum hafa sent frá sér sameiginlega ályktun um málefni Norðurheimskautsins, sem Landvernd stendur að. Í ályktuninni hvetja samtökin umhverfisráðherra á arktískum svæðum að þrýsta á stjórnvöld landa sinna að draga úr losun kolefnis sem til verður við ófullkominn bruna jarðefnaeldsneytis, lífeldsneytis og lífmassa og finnst í sóti (e. black carbon). 

Talið hefur verið að samdráttur í losun slíkra skammlífra kolefnissambanda geti verið afar árangursrík leið til að hægja á hlýnun og bráðnun íss á arktískum svæðum á næstu áratugum. Sú mikla bráðnun sem þegar hefur orðið og spáð er á næstu áratugum hefur alvarlegar afleiðingar á fólk sem býr á heimskautasvæðinu, líffræðilegan fjölbreytileika svæðisins og á samfélög um heim allan sem búa við lága sjávarstöðu. 

Áskorunina má finna hér að neðan.

NGO black carbon letter to Environment Ministers 4 Feb 2013

Tögg

Vista sem PDF

Leita í gagnasafni