Ályktanir

Aðalfundur Landverndar sem haldinn er árlega sendir frá sér nokkrar ályktanir. Oftast beinast þær að stefnumótun og ákvarðanatöku stjórnvalda. Milli aðalfunda sendir stjórn samtakanna frá sér ályktanir og fréttatilkynningar um umhverfismál sem efst eru á baugi hverju sinni.

Umsögn Landverndar um áfangaskjal Stjórnlagaráðs

3.6.2011

Stjórn Landverndar fagnar þeim tillögum sem Stjórnlagaráð hefur birt í áfangaskjali um mannréttindakafla. Stjórnin fagnar sérstaklega tillögu um að stjórnvöldum beri að upplýsa almenning um ástand umhverfis og áhrif framkvæmda á það. Með slíku ákvæði yrði skýrt kveðið á um frumkvæðisskyldu stjórnvalda.

Stjórnin gerir eftirfarandi athugasemdir við áfangaskjalið:

1. Í tillögunum er ekki fjallað um meginreglur umhverfisréttarins, t.d. mengunarbótarregluna og varúðarregluna. Stjórn Landverndar leggur til að úr því verði bætt.


2. Stjórn Landverndar hvetur Stjórnlagaráð til að leggja fram tillögu um að hálendið verði gert að griðasvæði. Í þessum efnum vísar stjórn Landverndar meðal annars til ályktunar aðalfundar Landverndar 2006.



Tögg

Vista sem PDF

Leita í gagnasafni