Þátttaka í ákvarðanatöku

Landvernd virkan þátt í stefnumótun í umhverfismálum með gerð umsagna um fjölda þingmála, skipulagsmál sveitarfélaga, áætlanagerð og einstakar framkvæmdir á vegum einkaaðila og hins opinbera. Landvernd beitir sér einnig í ákvarðanatöku er varðar umhverfismál, m.a. með því að láta reyna á stjórnsýsluákvarðanir og reka mál fyrir dómstólum. Fulltrúar samtakanna eiga sæti í starfshópum  á vegum hins opinbera, taka þátt í opnum fundum um margvísleg málefni og vekja athygli á umhverfismálum í fjölmiðlum. Samtökin virkja önnur félagasamtök og einstaklinga með sér í þessu starfi. Landvernd byggir vinnu sína á grundvelli árósasamningsins og innleiðingu hans í íslensk lög. Samningurinn veitir almenningi og félagasamtökum sem starfa að umhverfisvernd rétt til aðgangs að upplýsingum, þátttöku í ákvarðanatöku og aðgang að réttlátri málsmeðferð í umhverfismálum. 

Hagfræðideild HÍ reiknar væntar tekjur Hvalárvirkjunar

Ólafur Valsson    Fossinn Rjúkandi í samnefndri á

Landvernd vinnur að gerð athugasemda um auglýsta tillögu að breyttu aðalskipulagi í Árneshreppi á Ströndum, sem leyfa myndu 25 km af virkjunarvegum á óbyggðum víðernum Ófeigsfjarðarheiðar. Hvalárvirkjun myndi hafa mikil og óafturkræft rask í för með sér og eyðileggja víðerni Vestfjarðakjálkans. Oddviti Árneshrepps hefur látið hafa eftir sér að stöðvarhús Hvalárvirkjunar myndu skila sveitarfélaginu um 15 milljónum króna árlega í nettótekjur. Til að setja það í fjárhagslegt samhengi, hefur Hagfræðideild Háskóla Íslands reiknað út væntar tekjur vinnslufyrirtækis annars vegar og hins vegar arðgreiðslur landeigenda Ófeigsfjarðar, sjá meðfylgjandi minnisblað frá 3. október 2017 ásamt samningum VesturVerks og landeigenda frá 2008 og samningum eiganda Engjaness í Eyvindarfirði 2009.

Í minnisblaði Hagfræðideildar HÍ kemur fram að brúttóárstekjur VesturVerks ehf. yrðu um einn og hálfur milljarður fyrsta árið en allt að tveir milljarðar eftir 15 ár. Hér er miðað við upplýsingar um heildsöluverð (4,6 kr/kWst) frá Landsvirkjun fyrir árið 2016. Á sömu forsendum hafa leigugreiðslur til eigenda Ófeigsfjarðar verið áætlaðar stighækkandi frá tæpum 30 milljónum á ári í um 160 milljónir árlega eftir 20 ár.

Útreikningar hafa að auki verið gerðir miðað við að Vesturverk myndi selja á verði eins og nú kemur að meðaltali út úr stóriðjusamningum Landsvirkjunar (2,4 kr/kWst). Að mati Landverndar verður að teljast óraunhæft að orkan verði seld á svo lágu verði.

Hagfraedistofnun HI_minnisblad um vaentar tekjur af Hvalarvirkjun.pdf
Samningur Vesturverks og eigenda Ofeigsfjardarjardarinnar med vidauka og yfirlysingu.pdf
Samningur Vesturverks og Engjaness 2009.pdf

Tögg
Rjukandi_mynd Olafur Valsson.JPG 

Vista sem PDF

Þrjár stoðir Árósasamningsins

Í brennidepli

Berggangur_Hverfisfljot.jpg
Umsögn um frummatsskýrslu um Hverfisfljótsvirkjun
Stjórn Landverndar hefur birt umsögn um frummatsskýrslu um Hverfisfljótsvirkjun.

Leita í gagnasafni

Snaefell_Petur Halldorsson.jpg
Landvernd fagnar áformum um þjóðgarðsstofnun
Áform um sameiningu verkefna á sviði náttúruverndar fagnað

Berggangur_Hverfisfljot.jpg
Umsögn um frummatsskýrslu um Hverfisfljótsvirkjun
Stjórn Landverndar hefur birt umsögn um frummatsskýrslu um Hverfisfljótsvirkjun.

Mynd Fosshotel_7juli.jpg
Úrskurður kallar á nýja ákvörðun um umhverfismat hótels í Mývatnssveit
Ekki var grundvöllur fyrir leyfisveitingum Umhverfisstofnunar og byggingarfulltrúa Skútustaðahrepps fyrir Fosshóteli við Mývatn.

Af Leirhnjuk.jpg
Landvernd og Fjöregg stefna íslenska ríkinu
Umhverfisverndarsamtök hafa stefnt umhverfisráðherra f.h. íslenska ríkisins vegna vanefnda á að friðlýsa ákveðin svæði í Skútustaðahreppi.