Bláfáninn afhentur Ylströndinni

Bláfáninn var dreginn að húni á Ylströndinni í Nauthólsvík í níunda sinn í síðustu viku. Sú nýbreytni verður í ár að Ylströndin flaggar allt árið en ekki bara yfir sumartímann. Ylströndin heldur úti sérlega veglegri fræðsludagskrá í samvinnu við fræðslusvið Reykjavíkurborgar.

Bláfáninn var dreginn að húni á Ylströndinni í Nauthólsvík þann 15. maí s.l. og er það í níunda sinn sem Ylströndin fagnar Bláfánanum. Í ár verður sú nýbreytni að Ylströndin flaggar allt árið um kring, en ekki bara yfir sumartímann, þar sem baðgestir sækja ströndina allt árið. Þetta er annar Bláfánahandhafinn hér á landi sem flaggar allt árið, en Bláa lónið gerir það einnig.

Ylströndin í Nauthólsvík hefur í samvinnu við fræðslusvið Reykjavíkurborgar unnið sérlega veglega fræðsludagskrá, en fræðsludagskrá er meðal þess sem Bláfánahafar þurfa að uppfylla. Það er einnig gaman að geta þess að Ylströndin hefur verið valin af alþjóðlegri dómnefnd Bláfánans sem fyrirmynd annarra baðstranda hvað varðar fræðlsudagskrá og verður hún kynnt sérstaklega á alþjóðlegum fundi Bláfánans í Mexíkó í haust. Hér að neðan er hlekkur á fræðsludagskrá Ylstrandarinnar.

Fræðsludagskrá Ylstrandarinnar

Ert þú í Landvernd?

Taktu afstöðu með náttúrunni og gakktu í Landvernd