Fréttir

Bregðast þarf skipulega við auknum ferðamannastraumi

Aðalfundur Landverndar, haldinn 13. apríl 2013, ályktaði um nauðsynleg viðbrögð við auknum ferðamannastraumi til Íslands og áhrifum þess á náttúru landsins:

"Aðalfundur Landverndar 2013 lýsir áhyggjum sínum af auknu álagi og yfirvofandi skemmdum á viðkvæmum náttúruperlum af völdum ferðamanna og hvetur alla aðila sem láta sig málið varða, að taka höndum saman um að móta leiðir og skipulag þannig að stýra megi ferðamennsku á Íslandi, með þeim hætti, að ekki hljótist af tjón á náttúru landsins.

Í ljósi þeirrar fjölgunar ferðamanna sem búist er við á næstu árum undirstrikar fundurinn mikilvægi náttúruverndar, ekki eingöngu náttúrunnar sjálfrar vegna, heldur einnig vegna samfélagsins alls, þar sem náttúra landsins er hennar helsta auðlind. Mikilvægt er að ríkisstjórn og sveitarfélög, ferðaþjónustuaðilar, fræðasamfélagið og umhverfis- og útivistarsamtök komi að málinu. 

Líta ber til ýmissa aðferða, þ.m.t. uppbyggingu innviða, takmörkunar með kvótum og tímabundnum lokunum, gjaldtöku, o.fl. Slíkar aðgerðir þurfa að byggja á auknum rannsóknum og vöktun á umhverfislegum og félagslegum þolmörkum svæða. 

Aðalfundur Landverndar telur jafnframt að nýta megi friðlýsingu landsvæða í þeim tilgangi að skipuleggja landnýtingu, þ.m.t. ferðamennsku, þannig að hún bitni sem minnst á náttúru landsins. Þetta á ekki síst við á miðhálendi Íslands. Til að tryggja yfirsýn, heildræna stefnu og skynsama forgangsröðun telur aðalfundur Landverndar jafnframt nauðsynlegt að sameina málefni verndaðra svæða á Íslandi undir eina stjórn." 

Alyktun adalfundar Landverndar um vidbrogd vid auknum ferdamannastraumi_Samthykkt
Tögg

Vista sem PDF

 

Stöndum vörð um náttúru Íslands

Taktu afstöðu og vertu með!

Leita í fréttum



Þátttaka í ákvarðanatöku

Berggangur_Hverfisfljot.jpg
Umsögn um frummatsskýrslu um Hverfisfljótsvirkjun
Stjórn Landverndar hefur birt umsögn um frummatsskýrslu um Hverfisfljótsvirkjun.