Fréttir

Ljósmyndari styrkir Landvernd

Kristján Ingi Einarsson ljósmyndari afhenti Landvernd styrk á Degi íslenskrar náttúru, þann 16. september sl. Kristján Ingi lætur 5% af söluandvirði ljósmyndabókar sinnar, UNIQUE ISLAND, renna til Landverndar. Bókin kom út hjá Bókaátúgáfunni Stillu í maí og hefur verið ein af best seldu landkynningarbókunum í sumar. Við útgáfu bókarinnar var undirritaður samingur um að styrkurinn yrði afhentur Landvernd á Degi íslenskrar náttúru ár hvert.

Styrkurinn kemur sér vel og rennur að þessu sinni til strandhreinsunarverkefnis Landverndar, Hreinsum Ísland, sem var hleypt af stokkunum á Degi umhverfisins í apríl. Verkefnið er árvekniátak og leggur megináherslu á forvarnir og aðgerðir gegn plastmengun í hafi.

Strandhreinsun undir merkjum átaksins Hreinsum Ísland hefur farið fram víða um land í vor og haust. Á Degi íslenskrar náttúru fór t.d. fram umfangsmikil strandhreinsun á Breiðamerkursandi sem skipulögð var af Vatnajökulsþjóðgarði. Landvernd tók virkan þátt í plastlausum september og stóð vaktina í Kringlunni í Reykjavík á Degi íslenskrar náttúru þar sem vakinn var athygli á plastmengun, áhrifum hennar á lífríki, náttúru og heilsu, og bent á leiðir til að draga úr plastnotkun. Það þótti því eiga vel við að nýta fjármagnið til þessa verkefnis.

Á myndinni afhendir Kristján Ingi Guðmundi Inga framkvæmdastjóra Landverndar styrkinn.  

Tögg
Afhending til Landverndar_Kristjan Ingi Einarsson og Mummi_sept2017.jpg 

Vista sem PDF

 

Stöndum vörð um náttúru Íslands

Taktu afstöðu og vertu með!

Leita í fréttum



Þátttaka í ákvarðanatöku

foss_hvalá.PNG
Fyrirhugað athafnasvæði Hvalárvirkjunar friðlýst?
Stjórn Landverndar fagnar tillögum Náttúrufræðistofnunar Íslands um að setja stórt svæði við Drangajökul á framkvæmdaáætlun náttúruminjaskrár og friðlýsa svæðið. Tillöguna, ásamt fjölda annarra svæða, hefur Náttúrufræðistofnun birt á heimasíðu sinni. Náttúrufræðistofnun Íslands hefur, eins og lög um náttúruvernd mæla fyrir um,  birt á vef sínum tillögur að svæðum sem stofnunin setur fram á B-hluta náttúruminjaskrár.  Meðal þessara svæða er Drangajökull og nágrenni hans, alls tæplega 1300 km2,