Fréttir

Umhverfisvernd fyrir dómi - kerfisáætlun ekki bindandi

Með dómi Héraðsdóms Reykjavíkur fyrr í dag var Landsnet sýknað af kröfu Landverndar um ógildingu kerfisáætlunar (raflínuáætlunar). Telur dómurinn kerfisáætlun, sem er áætlun um þróun flutningskerfisins til 10 ára, ekki beinast að ákveðnum aðilum eða hafa bindandi réttaráhrif og verði hún því ekki ógilt með dómi. Annað mál sé með framkvæmdir er kunna síðar að verða byggðar á henni. Landvernd skoðar nú dóminn með lögmönnum sínum og íhugar að áfrýja til Hæstaréttar, til að fá efnislega niðurstöðu, en Landvernd hefur talið kerfisáætlunina gallaða. Dómur héraðsdóms tók ekki á því atriði.

Hinsvegar viðurkenndi héraðsdómur í málinu rétt samtakanna til að fá mál sem þetta tekið efnislega fyrir dómi, en Landsnet hafði krafist frávísunar málsins frá dóminum sem ekki var fallist á. Landvernd fagnar þeim áfangasigri. „Þetta er afar mikilvægt skref fyrir umhverfis- og útivistarsamtök og þessu fögnum við“, segir Guðmundur Ingi Guðbrandsson, framkvæmdastjóri Landverndar.

Forsenda þess að framkvæmdir, líkt og Sprengisandslína, fari í umhverfismat er að fyrir liggi lögmæt kerfisáætlun. Dómur héraðsdóms sagði ekkert um það efnislega og skoðun Landverndar um meinta galla á kerfisáætlun Landsnets hefur því í reynd ekki verið hnekkt.

Landvernd hvetur af þessu tilefni Landsnet til að hefja raunverulegt samtal við samtök almennings og aðra hagsmunaaðila um það hvernig megi standa að framkvæmdum í raforkuflutningskerfinu í sem mestri sátt.

2015 11 16 Dómur héraðsdóms
Tögg

Vista sem PDF

 

Stöndum vörð um náttúru Íslands

Taktu afstöðu og vertu með!

Leita í fréttum



Þátttaka í ákvarðanatöku

rsz_trevor-cole-385287-unsplash.jpg
Málsmeðferð vegna Hornafjarðarvegar kærð
Landvernd og Hollvinir Hornafjarðar hafa kært frávísun Héraðsdóms Reykjavíkur á máli samtakanna gegn Vegagerðinni og Sveitafélaginu Hornafirði til Landsréttar, en í því máli fóru Landvernd og Hollvinir Hornafjarðar fram á að Héraðsdómur ógilti ákvörðun Sveitarfélagsins Hornafjarðar um að veita Vegagerðinni framkvæmdarleyfi fyrir vegkafl á Hringvegi 1 milli Hólms og Dynjanda í Hornafirði.  Þess er krafist af hálfu Landverndar og Hollvina Hafnarfjarðar að úrskurði Héraðsdóms Reykjavíkur verði