Fréttir

Rannveig Magnúsdóttir    24.10.2013
Rannveig Magnúsdóttir
Farið verður í gönguferð laugardaginn 26. október um Hengilssvæðið með Ferðafélagi Íslands og Landvernd.

Ekið verður upp á Hellisheiði og að Skarðsmýrarfjalli. Ef færð leyfir verður ekið upp á fjallið að vestanverðu. Gengið verður austur eftir fjallinu og niður af því um stórt misgengi niður í Þrengsli norðan við fjallið. Þaðan verður gengið niður í Miðdal og skoðaður jarðhiti sem þar er. Síðan verður gengið meðfram Skarðsmýrarfjalli að borholum sunnan fjallsins þar sem rútan mun bíða okkar.

Lagt er af stað frá Mörkinni 6 kl. 10:00. Verð er krónur 3000,- fyrir félagsmenn í FÍ og Landvernd, en krónur 4000,- fyrir aðra. Innifalið er rúta og fararstjórn. Leiðsögumaður er Einar Gunnlaugsson og fararstjóri Rannveig Magnúsdóttir. Gangan tekur 3-4 klst. og er auðveld og hentar öllum aldurshópum.

Hafið samband við Ferðafélag Íslands í gegnum tölvupóstfangið fi@fi.is eða í síma 568-2533 til að skrá þátttöku í ferðina.

Vista sem PDF

 

Stöndum vörð um náttúru Íslands

Taktu afstöðu og vertu með!

Leita í fréttum



Þátttaka í ákvarðanatöku

Berggangur_Hverfisfljot.jpg
Umsögn um frummatsskýrslu um Hverfisfljótsvirkjun
Stjórn Landverndar hefur birt umsögn um frummatsskýrslu um Hverfisfljótsvirkjun.