Fréttir

Margrét  Hugadóttir    13.2.2017
Margrét Hugadóttir

Föstudaginn 10. febrúar sl. hélt Landvernd ráðstefnu fyrir skóla á grænni grein á Íslandi, en þetta er stærsta verkefni Landverndar og stærsta verkefni í menntun til sjálfbærni á Íslandi sem og í heiminum öllum (e. Eco-Schools).

Um 140 kennarar, skólastjórar og starfsfólk leik-, grunn- og framhaldsskóla af öllum landshlutum Íslands Íslands sóttu ráðstefnuna sem var haldin á Fosshóteli í Reykjavík við Þórunnartún 1.

Á ráðstefnunni voru teknar fyrir áskoranir og tækifæri sem flóknari umhverfismál fela í sér og fjallað um þróunarverkefni Skóla á grænni grein sem takast á við þau, en Landvernd er um þessar mundir að  gefa út handbækur fyrir þátttökuskóla verkefnisins. Á ráðstefnunni var fjallað um efni þessara handbóka en sú fyrsta; „Á grænni grein, umhverfisvitund og sjálfbærni“ eftir Katrínu Magnúsdóttur, er komin út á rafrænan hátt. Fjallað er um tengingu Skóla á grænni grein við sjálfbærnimenntun og aðalnámskrá. Sjá hér.  Á næstunni koma út tvær aðrar handbækur, önnur fjallar um vistheimtarverkefni Landverndar með skólum og hin um kennslufræðilegar nálganir við flóknari umhverfismál á borð við loftslagsbreytingar og lífbreytileika.

Auk þessara erinda voru vinnustofur þar sem þáttakendur fengu að fást við og prófa ný hugtök, nálganir og kennsluefni: Af stað með úrgangsforvarnir, allur skólinn með (e. whole school approach), innleiðing á framhalds- og háskólaskólastigi, og lengra komnir skólar. Erindi voru tekin upp og verða aðgengileg á heimasíðu ráðstefnunnar: http://graenfaninn.landvernd.is/radstefnur/2017.

Kristján Þór Júlíusson, mennta- og menningarmálaráðherra, og Björt Ólafsdóttir, umhverfis- og auðlindaráðherra ávörpuðu ráðstefnugesti og veittu tveimur skólum sérstaka viðurkenningu fyrir að hafa fengið afhenta flesta Grænfána allra skóla í verkefninu, eða alls átta. Þetta eru Fossvogsskóli og Hvanneyrardeild Grunnskóla Borgarfjarðar sem hafa verið Skólar á grænni grein frá upphafi eða síðan verkefnið hóf göngu sína hér á landi árið 2000.

Samband Íslenskra Sveitarfélaga, mennta- og menningarmálaráðuneytið, umhverfis- og auðlindaráðuneytið og Norræna ráðherranefndin styrktu ráðstefnuna.

 

Myndir frá ráðstefnunni

Tögg
Radstefna_3.jpg  Radstefna_2.jpg  Radstefna2017._1.jpg  Radstefna2017.jpg 

Vista sem PDF

 

Stöndum vörð um náttúru Íslands

Taktu afstöðu og vertu með!

Leita í fréttum



Þátttaka í ákvarðanatöku

rsz_trevor-cole-385287-unsplash.jpg
Málsmeðferð vegna Hornafjarðarvegar kærð
Landvernd og Hollvinir Hornafjarðar hafa kært frávísun Héraðsdóms Reykjavíkur á máli samtakanna gegn Vegagerðinni og Sveitafélaginu Hornafirði til Landsréttar, en í því máli fóru Landvernd og Hollvinir Hornafjarðar fram á að Héraðsdómur ógilti ákvörðun Sveitarfélagsins Hornafjarðar um að veita Vegagerðinni framkvæmdarleyfi fyrir vegkafl á Hringvegi 1 milli Hólms og Dynjanda í Hornafirði.  Þess er krafist af hálfu Landverndar og Hollvina Hafnarfjarðar að úrskurði Héraðsdóms Reykjavíkur verði