Kynning á frambjóðendum til stjórnar Landverndar 2011

Stöndum vörð um náttúru Íslands Landvernd eru frjáls félagasamtök sem starfa að umhverfismálum til að vernda og bæta lífsgæðin í landinu. Landvernd virðir íslenska náttúru og styður sjálfbæra nýtingu hennar. Taktu afstöðu og vertu með! landvernd.is
Nú í aðdraganda aðalfundar hefur uppstillingarnefnd Landverndar borist framboð frá nokkrum einstaklingum, bæði til stjórnar og formennsku. Tveir eru í framboði til formanns Landverndar á komandi aðalfundi, þeir Björgólfur Thorsteinsson núverandi formaður og Guðmundur Hörður Guðmundsson.

Nú í aðdraganda aðalfundar hefur uppstillingarnefnd Landverndar borist framboð frá nokkrum einstaklingum, bæði til stjórnar og formennsku. Tveir eru í framboði til formanns Landverndar á komandi aðalfundi, þeir Björgólfur Thorsteinsson núverandi formaður og Guðmundur Hörður Guðmundsson. Af núverandi stjórnarmönnum sem eru í kjöri gefa þau Jón S. ólafsson og Hrefna Sigurjónsdóttir kost á sér áfram. Fjórir einstaklingar eru auk þeirra í framboði til stjórnar:
Einar Bergmundur Arnbjörnsson
Helena óladóttir
Anna Gunnhildur Sverrisdóttir
Helga Ögmundardóttir
Kynningar á frambjóðendum verða birtar á heimasíðu eftir því sem þær berast.

Kynning á framboði Guðmundar Harðar Guðmundssonar til formanns Landverndar

GUÐMUNDUR HÖRÐUR GUÐMUNDSSON, umhverfisfræðingur og fyrrverandi upplýsingafulltrúi umhverfisráðuneytisins, hefur boðið sig fram til formanns Landverndar. Fram kemur í yfirlýsingu frá Guðmundi að á næstu misserum muni reyna mjög á krafta umhverfisverndarhreyfinga í landinu og hann vilji taka virkan þátt í þeirri baráttu. Nefnir hann sem dæmi að stefnt sé að samþykkt Rammaáætlunar á Alþingi næsta haust, unnið sé að breytingum á náttúruverndarlögum og að efnahagskreppa og verðhækkun á orku og matvælum hafi leitt til aukinnar ásóknar í auðlindir. Guðmundur var einn af stofnendum Félags umhverfisfræðinga á Íslandi og hefur meðal annars verið formaður félagsins. Hann hefur kennt umhverfisstjórnmál við Háskóla Íslands og Háskólann á Bifröst.

Sjá nánar um Guðmund Hörð

Kynning á framboði Helgu Ögmundardóttur til setu í stjórn Landverndar

HELGA ÖGMUNDARDóTTIR er 46 ára mannfræðingur sem nú ver doktorsritgerð sína við Uppsalaháskóla. Í henni notar Helga eigindlegar aðferðir, viðtöl og þátttökuathuganir, til að lýsa og greina viðhorf þeirra heimamanna í Gnúpverjahreppi sem hafa lagst gegn virkjun á afrétti sínum sunnan Hofsjökuls, þ.e. í Þjórsárverum. Aðrar rannsóknir Helgu hafa m.a. tengst nýtingu sjávar í N-Atlantshafi, áhrifum kvótakerfis á byggðarlög, viðhorfum almennings til vistvænna bifreiða og sögu og nýtingar afrétta á Íslandi. Hún starfaði áður við garðyrkju og hefur kennt umhverfistengd námskeið við Háskóla Íslands.

Sjá nánar um Helgu Ögmundardóttur

Kynning á framboði Einars Bergmundar til stjórnar Landverndar

Einar Bergmundur Arnbjörnsson er menntaðar tölvunarfræðingur og heimildarljósmyndari en hefur á undanförum árum starfað við þróun vefsins Náttúran.is. Áherslur Einars Bergmundar í stjórn Landverndar munu verða efling félagsstarfsins, almennar umræður og sýnaleiki félagsins útávið.

Sjá nánar um Einar Bergmund

Nánar á Náttúran.is

Kynning á framboði Helenu óladóttur til stjórnar Landverndar

HELENA óLADóTTIR er menntaður umhverfisfræðingur og starfar hún sem verkefnisstjóri Náttúruskóla Reykjavíkur. Helena hefur víðtæka þekkingu á málefnum umhverfisfræðslu og sjálfbærrar þróunar sem nýst gæti Landvernd afar vel í ljósi þeirrar áherslu sem samtökin leggja á ofangreind málefni.

Sjá nánar um Helenu

Ert þú í Landvernd?

Taktu afstöðu með náttúrunni og gakktu í Landvernd