Fréttir

Landvernd hefur nýtt verkefni: Græna lykilinn

Rannveig Magnúsdóttir    28.1.2015
Rannveig Magnúsdóttir

Radisson Blu hótelin á Íslandi fengu hina virtu umhverfisviðurkenningu Græna lykilinn afhenta við hátíðlega athöfn á Radisson Blu 1919 hóteli í dag, 28. janúar. Guðmundur Ingi Guðbrandsson, framkvæmdastjóri Landverndar, og Salome Hallfreðsdóttir, verkefnisstjóri Græna lykilsins, afhentu viðurkenninguna.

„Okkur er sönn ánægja að tilkynna að Radisson Blu hótelin í Reykjavík eru fyrst allra hótela á Íslandi til að fá umhverfisviðurkenningu Græna lykilsins. Þetta þýðir að þau uppfylla ströng umhverfisskilyrði sem stuðla að verndun umhverfisins.“, sagði Guðmundur Ingi Guðbrandsson, framkvæmdastjóri Landverndar.

„Græni lykillinn, eða Green Key, er útbreiddasta alþjóðlega umhverfisviðurkenningin sem snýr að hótelum og gististöðum og hefur verið starfræktur í 20 ár. Á síðasta ári fengu rúmlega 2300 staðir viðurkenninguna í 46 löndum um heim allan.“, sagði Salome Hallfreðsdóttir, verkefnastjóri Græna lykilsins hjá Landvernd.  

Græni lykillinn er veittur til hótela og gististaða, ráðstefnusala, veitingastaða, safna, tjaldstæða og skemmtigarða. Til þess að hljóta viðurkenninguna þurfa rekstraraðilar að uppfylla umhverfisskilyrði er lúta að tólf umhverfisþáttum, s.s. vistvænum innkaupum, úrgangsstjórnun og orkusparnaði. Græni lykillinn leggur áherslu á að minnka umhverfisáhrif hótelsins, draga úr rekstrarkostnaði og stuðla að sjálfbærni innan ferðaþjónustunnar.

Frá og með deginum í dag mun Landvernd taka við umsjón Græna lykilsins á Íslandi og því er þetta stór stund, bæði fyrir hótelin tvö og Landvernd.

Landvernd hlakkar til að takast á við nýjar áskoranir tengdar þessu spennandi verkefni og að auka útbreiðslu þess á Íslandi.

DSC_0259     DSC_0262     DSC_0264     DSC_0285     DSC_0291     DSC_0297    

Vista sem PDF

 

Stöndum vörð um náttúru Íslands

Taktu afstöðu og vertu með!

Leita í fréttum



Þátttaka í ákvarðanatöku

Mynd/Mannvit
Nýtt framkvæmdaleyfi Brúarvirkjunar kært og krafist stöðvunar framkvæmda
Samtökin telja að málsmeðferð Bláskógabyggðar við veitingu nýs framkvæmdaleyfis sé andstæð lögum og að á henni séu bæði form- og efnisannmarkar sem eigi að leiða til ógildingar. Krafa samtakanna um stöðvun framkvæmda byggir m.a. á frétt í Morgunblaðinu frá í gær (26. mars 2018) um að byrjað verði að setja niður vinnubúðir á virkjunarstað í þessari viku og að strax eftir páska muni starfsmenn Ístaks hefjast handa um framkvæmdir.