Fréttir

Landvernd og loftslag

Margrét  Hugadóttir    28.11.2017
Margrét Hugadóttir

Landvernd vill að Ísland verði kolefnishlutlaust ríki sem allra fyrst. Samtökin telja einnig að ganga megi lengra og borga tilbaka hluta kolefnisskuldarinnar með því að binda kolefni umfram kolefnishlutleysi (net negative emissions).

Landvernd hefur rekið sérstakt loftslagsverkefni frá árinu 2013 sem hefur það að markmiði að aðstoða sveitarfélög við að mæla losun sína á gróðurhúsalofttegundum þannig að þau geti á sem skilvirkastan hátt stýrt og dregið úr henni. Vistheimt í skólum er annað verkefni Landverndar þar sem nemendur á miðstigi og elsta stigi grunnskóla og framhaldsskólanemendur setja upp tilraunir í landgræðslu, græða upp örfoka land og gera mælingar samhliða endurheimt votlendis. Þá hleypti Landvernd nýju sjálfboðaliðaverkefni í landgræðslu, Græðum Ísland, af stokkunum árið 2017, en þar gefst skólahópum, innlendum og erlendum ferðamönnum sem og fyrirtækjum tækifæri til að láta gott af sér leiða og græða upp landið um leið og kolefni úr andrúmslofti er bundið í gróðri og jarðvegi.

Tögg
laszlo-bajnoczi-430414_Minni.jpg 

Vista sem PDF

 

Stöndum vörð um náttúru Íslands

Taktu afstöðu og vertu með!

Leita í fréttum



Þátttaka í ákvarðanatöku

Mynd/Mannvit
Nýtt framkvæmdaleyfi Brúarvirkjunar kært og krafist stöðvunar framkvæmda
Samtökin telja að málsmeðferð Bláskógabyggðar við veitingu nýs framkvæmdaleyfis sé andstæð lögum og að á henni séu bæði form- og efnisannmarkar sem eigi að leiða til ógildingar. Krafa samtakanna um stöðvun framkvæmda byggir m.a. á frétt í Morgunblaðinu frá í gær (26. mars 2018) um að byrjað verði að setja niður vinnubúðir á virkjunarstað í þessari viku og að strax eftir páska muni starfsmenn Ístaks hefjast handa um framkvæmdir.