Fréttir

Nemendur Grenivíkurskóla færa bæjarbúum jólagjöf

Margrét  Hugadóttir    18.12.2017
Margrét Hugadóttir

Nemendur Grenivíkurskóla tóku sig til og saumuðu taupoka handa öllum íbúum bæjarfélagsins. Með þessu vilja nemendur og starfsfólk skólans hvetja íbúa til að nota fjölnotapoka og draga úr plastpokanotkun á aðventunni.

Verkefnið er unnið af öllum í skólanum og hefur það víðtæk áhrif út í samfélagið. 

Grenivíkurskóli hefur verið þátttakandi í Grænfánaverkefni Landverndar frá árinu 2004 og hefur skólinn fengið Grænfánann afhentan sex sinnum fyrir vel unnin störf. 

Grænfánaverkefni Landverndar Skólar á grænni grein byggir á sjö skrefum sem skólar þurfa að stíga til að fá að flagga grænum fána. Verkefni Grenivíkurskóla fellur vel að sjötta skrefi verkefnisins; Að upplýsa og fá aðra með. Skólar eru hvattir til að tengjast og vinna með öðrum í nærsamfélaginu, s.s. íbúum, fyrirtækjum og stofnunum. Alls kyns opnar sýningar á verkum nemenda í nærsamfélaginu og kynningar í skólanum eða í fjölmiðlum upplýsa samfélagið um framgang verkefnisins. Það má því segja að jólaverkefni Grenivíkurskóla falli vel að þessum hluta verkefnisins. 
Til hamingju Grenivíkurskóli og Grenivík!

Hér má sjá frétt á RÚV um verkefnið. 

Tögg
Grenivikurskoli.jpg 

Vista sem PDF

 

Stöndum vörð um náttúru Íslands

Taktu afstöðu og vertu með!

Leita í fréttum



Þátttaka í ákvarðanatöku

Mynd/Mannvit
Nýtt framkvæmdaleyfi Brúarvirkjunar kært og krafist stöðvunar framkvæmda
Samtökin telja að málsmeðferð Bláskógabyggðar við veitingu nýs framkvæmdaleyfis sé andstæð lögum og að á henni séu bæði form- og efnisannmarkar sem eigi að leiða til ógildingar. Krafa samtakanna um stöðvun framkvæmda byggir m.a. á frétt í Morgunblaðinu frá í gær (26. mars 2018) um að byrjað verði að setja niður vinnubúðir á virkjunarstað í þessari viku og að strax eftir páska muni starfsmenn Ístaks hefjast handa um framkvæmdir.