Árlegur fundur náttúruverndarsamtak frá Norðurlöndunum fimm, Færeyjum, Grænlandi og Álandseyjum var ár haldinn í Ilulissat á Grænlandi, á sama stað og umhverfisráðherrar Norðurlanda og 20 annarra landa funduðu í ágúst síðast liðnum og ræddu m.a. loftslagsbreytingar. Björgólfur Thorsteinsson sótti fundinn fyrir Landvernd.
Ilulissat er á vesturströnd Grænlands um klukkutíma flug norður af Kangerlussuaq og liggur við mynni Ilulissat Ísfjarðar sem nýlega var tekinn á heimsmynjaskrá sökum einstaks náttúrufars.
Á fundinum var m.a. fjallað um loftslagsbreytingar og áhrif þeirra á norðurskautssvæðið. Fundarmenn gátu með eigi augum sé þær breytingar sem eru að eiga sér stað á Grænlandi og hvernig þær breyta forsendum fyrir lífsafkomu íbúanna. Ísinn þynnist, hegðun fiskistofna breytist og land sem freðið var árið um kring þiðnar nú á sumrinn.
Á fundinum var áréttað mikilvægi þess að seta skuldbindandi losunarmarkmið fyrir annan áfanga Kyotobókunarinnar sem fundað verður um í Kanada haustið 2005, og nýta sem best þá möguleika sem felast í frekari nýtingu endurnýjanlegra orkugjafa sem kæmu í stað olíu og kola.
Fundurinn samþykkti ályktun um þetta mál þar sem bent er á þann vanda sem loftslagsbreytingar munu valda á norrænum svæðum og Norðurlöndin eru hvött til að vera í farabroddi heimafyrir og í alþjóðlegri viðleitni til að taka á vandanum með raunhæfum aðgerðum.
