Fréttir

Nýr formaður og stjórn Landverndar

Á aðalfundi Landverndar sem haldinn var í Rúgbrauðsgerðinni í kvöld var kosinn nýr formaður samtakanna ásamt fimm stjórnarmeðlimum. Vegna sérstakra aðstæðna var formaðurinn kosinn til eins árs. 

Rósbjörg Jónsdóttir, framkvæmdastjóri, var kosin formaður og þrír stjórnarmeðlimir hlutu endurkjör til setu í stjórn, en það voru þau Lovísa Ásbjörnsdóttir, jarðfræðingur, Pétur Halldórsson, líffræðingur og Margrét Auðunsdóttir, framhaldsskólakennari. Páll Ásgeir Ásgeirsson, leiðsögumaður og Þórhildur Fjóla Kristjánsdóttir, orku-og umhverfisverkfræðingur, hlutu einnig kjör í stjórn. Stjórnin situr til tveggja ára og mun stýra starfi Landverndar inn í hálfrar aldar afmælisár á næsta ári.

Hugmyndabanki vegna 50 ára afmælis samtakanna var opnaður og getur almenningur sent inn tillögur að viðburðum, fræðsluerindum, uppákomum og slagorðum fyrir afmælisárið á netfangið hugmyndabanki@landvernd.is 

Auður Magnúsdóttir tekur við störfum sem framkvæmdastjóri samtakanna frá 1.maí og lætur Salome Hallfreðsdóttir þá af störfum, en hún hefur sinnt starfi framkvæmdastjóra frá því að Guðmundur Ingi Guðbrandsson, fyrrverandi framkvæmdastjóri tók við embætti umhverfisráðherra í lok síðasta árs. 

Fimm ályktanir sem lagðar voru fram af stjórn fyrir aðalfund voru samþykktar á fundinum með breytingum frá fundarmönnum. Þrjár ályktanir voru lagðar fram á fundinum sjálfum og var þeim öllum vísað frá.

Ársskýrsla 2017-2018 er nú aðgengileg hér 

Ályktanir aðalfundar verða aðgengilegar á vef samtakanna fljótlega.

 

Tögg
IMG_3550.jpg 

Vista sem PDF

 

Stöndum vörð um náttúru Íslands

Taktu afstöðu og vertu með!

Leita í fréttum



Þátttaka í ákvarðanatöku

foss_hvalá.PNG
Fyrirhugað athafnasvæði Hvalárvirkjunar friðlýst?
Stjórn Landverndar fagnar tillögum Náttúrufræðistofnunar Íslands um að setja stórt svæði við Drangajökul á framkvæmdaáætlun náttúruminjaskrár og friðlýsa svæðið. Tillöguna, ásamt fjölda annarra svæða, hefur Náttúrufræðistofnun birt á heimasíðu sinni. Náttúrufræðistofnun Íslands hefur, eins og lög um náttúruvernd mæla fyrir um,  birt á vef sínum tillögur að svæðum sem stofnunin setur fram á B-hluta náttúruminjaskrár.  Meðal þessara svæða er Drangajökull og nágrenni hans, alls tæplega 1300 km2,