Athugasemdir við tillögu Landsnets hf. að matsáætlun vegna Kröflulínu 3

Landsnet hf. hefur sent Skipulagsstofnun tillögu sína að matsáætlun vegna nýbyggingar 220 kV háspennulínu, Kröflulínu 3, frá tengivirki við Kröflustöð að tengivirki við Fljótsdalsstöð. Landvernd gerir alvarlegar athugasemdir við tillöguna í tveimur köflum, auk kröfu um sameiginlegt umhverfismat vegna byggingar raflína frá Blöndustöð alla leið í Fljótsdal.

Landvernd fer fram á að Skipulagsstofnun fallist ekki á tillögu Landsnets að matsáætlun vegna Kröflulínu 3 eins og hún er sett fram (1. kafli). Verði það hinsvegar mat stofnunarinnar að tillagan sé hæf, benda samtökin á fjölmargar athugasemdir sem þau telja að stofnunin verði að taka tillit til við ákvörðun sína (2. kafli). Að auki fer Landvernd fram á það að Skipulagsstofnun láti fara fram sameiginlegt umhverfismat á þeim framkvæmdum í styrkingu hins miðlæga flutningskerfis raforku á Íslandi sem þegar eru fyrirhugaðar og komnar eru eða tiltækar í ferli mats á umhverfisáhrifum, þ.e.a.s. leiðina frá Blöndustöð að Fljótsdal (3. kafli). 

Umsögn Landverndar má nálgast hér fyrir neðan. 

Umsogn_Landverndar_Tillaga_ad_matsaaetlun_Kroflulinu_3_15mars2013.pdf
Tögg
Iceland_sat_cleaned.jpg 

Vista sem PDF