Þátttaka í ákvarðanatöku

Landvernd virkan þátt í stefnumótun í umhverfismálum með gerð umsagna um fjölda þingmála, skipulagsmál sveitarfélaga, áætlanagerð og einstakar framkvæmdir á vegum einkaaðila og hins opinbera. Landvernd beitir sér einnig í ákvarðanatöku er varðar umhverfismál, m.a. með því að láta reyna á stjórnsýsluákvarðanir og reka mál fyrir dómstólum. Fulltrúar samtakanna eiga sæti í starfshópum  á vegum hins opinbera, taka þátt í opnum fundum um margvísleg málefni og vekja athygli á umhverfismálum í fjölmiðlum. Samtökin virkja önnur félagasamtök og einstaklinga með sér í þessu starfi. Landvernd byggir vinnu sína á grundvelli árósasamningsins og innleiðingu hans í íslensk lög. Samningurinn veitir almenningi og félagasamtökum sem starfa að umhverfisvernd rétt til aðgangs að upplýsingum, þátttöku í ákvarðanatöku og aðgang að réttlátri málsmeðferð í umhverfismálum. 

Umsögn Landverndar um breytingu á lögum um náttúruvernd

Landvernd    17.3.2019
Landvernd

Reykjavík 17. mars 2019

 

Umsögn Landverndar um breyting á lögum um náttúruvernd, nr. 60/2013 mál S-74/2019

Stjórn Landverndar lýsir yfir eindregnum stuðningi við breytingarnar sem lagðar eru til hér varðandi grundvallarrétt almennings til að ferðast frjáls um náttúru Íslands, svokallaðan almannarétt.  Svipað fyrirkomulag er uppi í nágrannalöndum okkar þar sem einstaklingum er heimil för um land annarra á meðan þeir hvorki skemma né trufla á ferð sinni. Hér er um að ræða nauðsynlega heimild til þess að landsmenn geti kynnst landi sínu og náttúru óhindrað.

Landvernd telur að vel hafi tekist til við að leggja til takmarkanir á hópferðum um eignalönd en jafnframt tryggja rétt einstaklinga og ferðafélaga sem ekki eru rekin í hagnaðarskyni til þess að njóta náttúru landsins og hafa óhindraðan aðgang að henni. Ljóst er að frekari vinna þarf að eiga sér stað við þessi lög og önnur til þess að taka á miklum fjölda og ágangi ferðamanna á viðkvæmum náttúrusvæðum en hér er um að ræða gott innlegg. 

Landvernd þakkar Umhverfis- og auðlindaráðuneytinu fyrir að leggja til þessar þörfu breytingar á náttúruverndarlögum. Stjórn Landverndar bendir á að fleiri breytinga er þörf á lögunum.  Sérstaklega er þörf á því að skýra hvaða „brýna nauðsyn“ það er sem réttlætir brot á þeim. 

 

 

Virðingarfyllst

f.h. stjórnar Landverndar

 

Auður Önnu Magnúsdóttir

framkvæmdastjóri

20190317_Umsogn_Landverndar_Breytingar_a_natturverndarlogum.pdf
Tögg
Almannarettur.jpg 

Vista sem PDF

Þrjár stoðir Árósasamningsins

Í brennidepli

rsz_img_9744.jpg
Umsögn um breytingar á lögum um úrskurðanefnd umhverfis- og auðlindamála
Mikil réttarbót fyrir málsvara íslenskrar náttúru

Leita í gagnasafni

gunnar-sigurdarson-Thingvellir.jpg
Umsögn um frumvarp til laga um Þjóðgarðastofnun og þjóðgarða
Nýtt frumvarp um þjóðgarða og þjóðgarðastofnun þarf að ná til annarra friðlýstra svæða sem eiga að vera í umsjón stofnunarinnar.

Mynd/Mannvit
Nýtt framkvæmdaleyfi Brúarvirkjunar kært og krafist stöðvunar framkvæmda
Samtökin telja að málsmeðferð Bláskógabyggðar við veitingu nýs framkvæmdaleyfis sé andstæð lögum og að á henni séu bæði form- og efnisannmarkar sem eigi að leiða til ógildingar. Krafa samtakanna um stöðvun framkvæmda byggir m.a. á frétt í Morgunblaðinu frá í gær (26. mars 2018) um að byrjað verði að setja niður vinnubúðir á virkjunarstað í þessari viku og að strax eftir páska muni starfsmenn Ístaks hefjast handa um framkvæmdir.

rsz_trevor-cole-385287-unsplash.jpg
Málsmeðferð vegna Hornafjarðarvegar kærð
Landvernd og Hollvinir Hornafjarðar hafa kært frávísun Héraðsdóms Reykjavíkur á máli samtakanna gegn Vegagerðinni og Sveitafélaginu Hornafirði til Landsréttar, en í því máli fóru Landvernd og Hollvinir Hornafjarðar fram á að Héraðsdómur ógilti ákvörðun Sveitarfélagsins Hornafjarðar um að veita Vegagerðinni framkvæmdarleyfi fyrir vegkafl á Hringvegi 1 milli Hólms og Dynjanda í Hornafirði.  Þess er krafist af hálfu Landverndar og Hollvina Hafnarfjarðar að úrskurði Héraðsdóms Reykjavíkur verði