Fréttir

Góð þátttaka í alheimshreinsun

    17.9.2018

Landvernd, Blái herinn og Plastlaus september sáu um undirbúning alheimshreinsunar á Íslandi þann 15.september sl. þar sem sjálboðaliðar í 150 löndum sameinuðust í að hreinsa heiminn í nafni átaksins Let´s Do It! World. Fjöldi vinnustaða, vinahópa og einstaklinga tóku þátt og reiknast okkur til að yfir 200 manns hafi hreinsað víðsvegar um landið! Allar hreinsanirnar voru skráðar á Íslandskortið á forsíðu Hreinsum Ísland

Landvernd hafði samband við öll sveitarfélög landsins og hvatti þau til að standa við bakið á sínum íbúum. Reykjavíkurborg, Akureyrarbær og Ísafjarðarbær aðstoðuðu hreinsunarhópa og settu upp tímabundnar stöðvar í átakinu, sjá nánari staðsetningar á Íslandskortinu okkar. Facebook hópur átaksins heitir World Cleanup Day Iceland.

Nánari upplýsingar um alheimshreinsunina á heimsvísu má nálgast á heimasíðu alheimshreinsunardagsins World Cleanup Day

Við þökkum fyrir samveruna og aðstoðina og hlökkum til að hreinsa með ykkur á næsta ári!

Hreinsanir sem fram fóru þann 15. september:

Skerjafjörður, frá Nauthólsvík og út Ægissíðuna.

Söngskólinn í Reykjavík hreinsaði nýja nágrenni sitt.

Reykjavíkurborg aðstoðaði íbúa og tók sérstaklega á móti rusli þann 15. september. Móttökusvæði sjást á Íslandskortinu okkar.

Íbúar í Hafnarfirði hreinsuðu og fegruðu umhverfi og náttúru Hafnarfjarðar, ýmsir staðir.

Íbúar í Ölfusi hreinsuðu í nágrenni Þorlákshafnar.

Rannsóknastöðin Rif hreinsaði við Raufarhöfn.

Akureyrarbær hreinsaði strandlengju bæjarins.

Umhverfissamtök Austur Skaftafellssýslu töltu með tilgang í Hornafirði.

Ísafjarðarbær skipulagði hreinsun og tók sérstaklega á móti rusli þann 15. september. Móttökusvæði sjást á Íslandskortinu okkar.

Minja- og sögufélag Vatnsleysustrandar hreinsaði undir Vogastapa.

Anonymous for the voiceless hreinsuðu Gróttu Island Lighthouse


Vista sem PDF

 

Stöndum vörð um náttúru Íslands

Taktu afstöðu og vertu með!

Leita í fréttum



Þátttaka í ákvarðanatöku

alexander-hafemann-578204-unsplash.jpg
Umsögn um aðgerðaráætlun ríkisstjórnarinnar í loftslagsmálum
Umsögn Landverndar um aðgerðaráætlun ríkisstjórnarinnar í loftslagsmálum