Fréttir

Hreinsum Ísland verkefnið tilnefnt til Umhverfisverðlauna Norðurlandaráðs

Rannveig Magnúsdóttir    7.9.2018
Rannveig Magnúsdóttir

Hreinsum Ísland, verkefni Landverndar og Bláa hernsins, hefur verið tilnefnt til Umhverfisverðlauna Norðurlandaráðs 2018 ásamt Hvalaskoðunarfyrirtækinu Eldingu. Katrín Jakobsdóttir, forsætisráðherra, kynnti þau 10 verkefni sem tilnefnd eru til verðlaunanna á lýðræðishátíðinni LÝSU á Akureyri. Við hjá Landvernd erum þakklát fyrir tilnefninguna og fögnum því að málefni hafsins fái hér góðan hljómgrunn.

Þema ársins fyrir umhverfisverðlaunin 2018 er vernd lífríkisins í hafinu. Plast í sjónum, sjálfbært neysluvatn, úrgangur í sjónum og hreinsun og endurvinnsla frárennslisvatns eru dæmi um viðfangsefni þeirra tíu sem eru tilnefnd. Umhverfisverðlaunin eru veitt norrænu fyrirtæki, samtökum eða einstaklingi sem hefur öðrum til eftirbreytni samþætt umhverfissjónarmið starfsemi sinni eða framtaki eða á annan hátt lyft grettistaki í þágu umhverfisins. 

Vinningshafinn verður tilkynntur 30. október 2018, í tengslum við þing Norðurlandaráðs í Ósló. Verðlaunin nema 350 þúsund danskra króna.

 

 

HreinsumIsland_Banner_2017-01.jpg 

Vista sem PDF

 

Stöndum vörð um náttúru Íslands

Taktu afstöðu og vertu með!

Leita í fréttum



Þátttaka í ákvarðanatöku

foss_hvalá.PNG
Fyrirhugað athafnasvæði Hvalárvirkjunar friðlýst?
Stjórn Landverndar fagnar tillögum Náttúrufræðistofnunar Íslands um að setja stórt svæði við Drangajökul á framkvæmdaáætlun náttúruminjaskrár og friðlýsa svæðið. Tillöguna, ásamt fjölda annarra svæða, hefur Náttúrufræðistofnun birt á heimasíðu sinni. Náttúrufræðistofnun Íslands hefur, eins og lög um náttúruvernd mæla fyrir um,  birt á vef sínum tillögur að svæðum sem stofnunin setur fram á B-hluta náttúruminjaskrár.  Meðal þessara svæða er Drangajökull og nágrenni hans, alls tæplega 1300 km2,