Verkefnasamkeppni grunnskólanema um umhverfismál

Stöndum vörð um náttúru Íslands Landvernd eru frjáls félagasamtök sem starfa að umhverfismálum til að vernda og bæta lífsgæðin í landinu. Landvernd virðir íslenska náttúru og styður sjálfbæra nýtingu hennar. Taktu afstöðu og vertu með! landvernd.is
Í fimmta sinn standa umhverfisráðuneytið, Náttúruskóli Reykjavíkur og Landvernd fyrir verkefnasamkeppninni Varðliðar umhverfisins.

Í fimmta sinn standa umhverfisráðuneytið, Náttúruskóli Reykjavíkur og Landvernd fyrir verkefnasamkeppninni Varðliðar umhverfisins.

Markmið keppninnar er að hvetja ungt fólk til góðra verka í umhverfisvernd, vekja athygli á sýn ungs fólks á umhverfismál og kalla eftir leiðsögn yngri kynslóðarinnar á því sviði.

Verkefnin skulu vera unnin af nemendum og mega vera af fjölbreyttum toga, t.d. ritgerðir, ljósmyndir, ljóð, veggspjöld, bæklingar, myndbönd og hljóðverk. Í stuttu máli er frjálst að skila inn nemendaverkefnum í hvaða formi sem er svo lengi sem umfjöllunarefni þeirra eru umhverfismál í víðum skilningi þess orðs. Verkefnin þurfa ekki að vera unnin sérstaklega fyrir samkeppnina heldur er vonast til að hún gefi tækifæri til að koma á framfæri nemendaverkefnum sem þegar hafa verið unnin í skólum.

Í tilefni af Alþjóðlegu ári skóga 2011 eru skólar hvattir til að vinna að verkefnum sem fjalla á einhvern hátt um skóga, sjálfbæra nýtingu þeirra eða verndun. Sjá frekar hér www.un.org/en/events/iyof2011

Allar nánari upplýsingar má finna hér í viðhengi og á heimasíðu umhverfisráðuneytisins www.umhverfisraduneyti.is/vardlidar

Skilafrestur verkefna er til fimmtudagsins 31. mars 2011 og þau skal senda umhverfisráðuneytinu, Skuggasundi 1, 150 Reykjavík.

Ert þú í Landvernd?

Taktu afstöðu með náttúrunni og gakktu í Landvernd