Stjórnsýslukærur

Landvernd leitast við að hafa áhrif á stefnumótun og ákvarðanatöku í umhverfismálum með því að senda inn umsagnir um frumvarpsdrög, þingmál, skipulagsáætlanir, einstakar framkvæmdir og margvíslega áætlanagerð sem viðkemur umhverfismálum.

Fréttatilkynning vegna Hvammsvirkjunar

Landvernd    15.3.2018
Landvernd

Skipulagsstofnun hefur nú staðfest það sem Landvernd hefur haldið fram að umhverfisáhrif Hvammsvirkjunar verði verulega til umtalsvert neikvæð, m.t.t. þeirra þátta sem metnir voru, þ.e. landslags, útivistar og ferðaþjónustu. Áhrif á lífríki og landeyðingu voru ekki metin, illu heilli, en þau munu ekki síður verða alvarleg. Samtökin furða sig jafnframt á ummælum Harðar Arnarsonar, forstjóra Landsvirkjunar, um að niðurstaða Skipulagsstofnunar skipti engu máli fyrir framkvæmdina.

Landvernd og margir fleiri hafa ítrekað bent á neikvæð umhverfis- og samfélagsáhrif Hvammsvirkjunar. Fyrsta umhverfismat virkjunarinnar fór fram árið 2003 en var endurtekið að hluta, þ.e. fyrir landslag, útivist og ferðaþjónustu, eftir úrskurð Skipulagsstofnunar árið 2015. Landvernd taldi þá (sbr. bréf dags. 25. september 2015) og telur enn að full ástæða hefði verið til að taka umhverfismatið upp í heild sinni og þá ekki síst áhrif framkvæmdarinnar á lífríki (einkum laxfiska), setflutninga og samfélag.

Í umsögn Landverndar um matsskýrslu Eflu (dags. 6. júlí 2017) fyrir landslag, útivist og ferðaþjónustu kom fram hörð gagnrýni á umhverfismatið en niðurstaða þess var að fyrirhuguð Hvammsvirkjun muni hafa óveruleg neikvæð áhrif á ferðamennsku og útivist á athugunarsvæðinu öllu. Þá komst Efla að þeirri niðurstöðu að áhrifin á landslag og ásýnd lands væru óverulega til talsvert neikvæð eftir svæðum. Niðurstaða verktaka Landsvirkjunar var því í öllum punktum mun mildari en niðurstaða Skipulagsstofnunar og fjölmargra annarra sem sendu inn athugasemdir.

Landvernd bendir á að þetta er ekki í fyrsta, og væntanlega ekki í síðasta skipti, sem umhverfismatsfyrirtæki (í þessu tilviki Efla) sem launað er af framkvæmdaraðila (í þessu tilviki Landsvirkjun) kemst að hagfelldari niðurstöðu í umhverfismati en óháð stjórnvald. Þetta fyrirkomulag, að beinir eða óbeinir hagsmunaaðilar sjái um umhverfismat, er löngu gengið sér til húðar.

Landvernd átelur líka framkomu forstjóra Landsvirkjunar, Harðar Arnarsonar, í fjölmiðlum. Þar sagði hann „óhjákvæmilegt að framkvæmd eins og Hvammsvirkjun hafi mikil áhrif á landslag“ en yppti að öðru leyti öxlum yfir áfellisdómi Skipulagsstofnunar og sagði hann engin áhrif hafa á framkvæmdina nema bara að þeir muni vanda sig eins og mögulegt er (https://www.facebook.com/RUVfrettir/posts/1983790161654883). Í matsferlinu aftur á móti drógu Landsvirkjun og verktaki þess, Efla, verulega úr áhrifum framkvæmdarinnar á landslag. Það að virkjunaraðilar geti komist upp með að hunsa álit óháðs stjórnvalds er annar nagli í líkkistu núverandi fyrirkomulags um mat á umhverfisáhrifum framkvæmda.

Landvernd telur mótvægisaðgerðir í þessu tilviki í besta falli klór í bakkann og að eina leiðin til að koma í veg fyrir óafturkræf og verulega neikvæð umhverfisáhrif Hvammsvirkjunar sé að falla frá framkvæmdinni.

Fram hefur komið í fréttum að Landsvirkjun sé að ljúka við virkjanir sem skila 190 MW af rafmagni inn í kerfið. Að mati Landverndar er það yfirdrifið nóg raforka til að viðhalda íslensku samfélagi næstu árin. Stóriðjustefnan er jú dauð samkvæmt áherslum sitjandi ríkisstjórnar.

Nánari upplýsingar veitir Snorri Baldursson, stjórnarmaður í Landvernd, í síma 897 9975.

Tögg

Vista sem PDF

Leita í kærum

 

Landvernd eru frjáls félagasamtök sem starfa
að umhverfismálum. 
Taktu afstöðu og vertu með!

Umsögn vegna breytinga á lögum um mat á umhverfisáhrifum.
25.4.2019

Ályktanir samþykktar á aðalfundi 2018
7.5.2018

Þrjár ákvarðanir vegna hótels á Grímsstöðum í Mývatnssveit kærðar
13.12.2016

Krafa um nýtt umhverfismat Bakkalína ítrekað
23.8.2016

Stöðvun framkvæmda við Þeistareykjalínu 1 og Kröflulínu 4
22.8.2016

Vegagerðinni óheimilt að búta niður framkvæmdir til að komast hjá umhverfismati. 
20.7.2016

Hafna raflínum um verndarsvæði í Mývatnssveit
19.5.2016

Tímalína og gögn vegna breytinga á starfsreglum rammaáætlunar
25.2.2016

Drög að breytingum á starfsreglum harðlega gagnrýndar
23.2.2016

Áskorun gegn Sprengisandslínu
11.11.2015

Gefum engan afslátt af umhverfismati
5.10.2015

Hörð gagnrýni á Vegagerðina og Skipulagsstofnun
29.9.2015

Endurskoða ber umhverfismat Hvammsvirkjunar
28.9.2015

Veikir umhverfisvernd á Ísland
11.9.2015

Landvernd ítrekar kröfu sína um nýtt umhverfismat raflínu frá Kröflu að Bakka
8.6.2015

Áfangasigur í baráttunni fyrir verndun Mývatns
10.11.2014

Gagnrýna flokkun Hvammsvirkjunar í nýtingarflokk
19.3.2014

Ramsar tekur undir með Landvernd
13.1.2014

Breyting á endurskoðunarákvæði matsskýrslna?
25.11.2013

Landvernd mótmælir harðlega áformum um nýja Norðlingaölduveitu
13.11.2013

Skipulagsstofnun hafni matsáætlun Landsnets um Kröfulínu 3
23.3.2013

Matsáætlun vegna rannsóknaborana í Eldvörpum
12.2.2013

Umsögn um tillögu Skipulagsstofnunar að landsskipulagsstefnu
20.11.2012

Fram fari heildstætt umhverfismat
15.10.2008

Sprungur og áhætta við Kárahnjúkavirkjun
28.8.2006