Project Image

Landvernd leitast við að hafa áhrif á stefnumótun og ákvarðanatöku í umhverfismálum með því að senda inn umsagnir um frumvarpsdrög, þingmál, skipulagsáætlanir, einstakar framkvæmdir og margvíslega áætlanagerð sem viðkemur umhverfismálum.

Aðalfundur Landverndar 13. maí og Græðum Ísland hleypt af stokkunum

Stjórn Landverndar minnir á aðalfund samtakanna laugardaginn 13. maí n.k. kl. 10-14:30 í Frægarði í Gunnarsholti á Rangárvöllum. Eftir fundinn verður nýju sjálfboðaliðaverkefni Landverndar, Græðum Ísland eða CARE á ensku, hleypt af stokkunum við Þjófafoss í Þjórsá. Fundarmönnum er af þessu tilefni boðið að taka þátt í landgræðslu á svæðinu og þiggja grillaðar pylsur og léttar veitingar að því loknu.

Nauðsynlegt er að skrá sig hér á aðalfundinn í síðasta lagi 10. maí n.k. svo áætla megi stærð rútu og aðföng fyrir mat.

Dagskrá aðalfundar, samþykktir Landverndar og önnur fundargögn má finna hér að neðan. Boðið verður upp á rútuferð frá Reykjavík og leggur rútan af stað frá BSÍ kl. 8:00 og kemur aftur til Reykjavíkur að fundi og landgræðslustörfum loknum um kl. 18:45. Þau sem hyggjast sækja fundinn á eigin vegum geta áttað sig á staðsetningu Frægarðs í Gunnarsholti hér að neðan og í viðhengi.

Vakin er athygli á tillögu um sameiningu Landverndar og Framtíðarlandsins sem finna má í fundargögnum. Á fundinum verður auk almennra aðalfundarstarfa kynnt drög að stefnumörkun Landverndar um vindorkuver, fjallað um Hreinsum Ísland, nýtt strandhreinsiverkefni samtakanna og kynntar niðurstöður í hugmyndasamkeppni um framtíð Alviðru í Ölfusi. Eftir fundarslit mun Dr. Árni Bragason landgræðslustjóri flytja erindið Landgræðsla – hvert stefnum við?

Í stjórn Landverndar sita tíu manns. Formaður er kosinn í sérstakri kosningu. Á aðalfundi 2017 verður kosið um formann stjórnar og fjóra stjórnarmenn til tveggja ára. Allir kjörgengir félagsmenn geta boðið sig fram á fundinum. Þess skal getið að núverandi formaður samtakanna, Snorri Baldursson, hyggst ekki gefa áfram kost á sér. Þá hafa tveir aðrir stjórnarmenn ákveðið að gefa ekki kost á sér til áframhaldandi stjórnarsetu.  

 

Kæru félagsmenn!

Við hvetjum ykkur til að mæta og hafa áhrif á stefnu og störf samtakanna. Þá minnum á að þau sem enn skulda félagsgjald verða að hafa greitt þau fyrir aðalfund til að tryggja sér atkvæðisrétt og kjörgengi á fundinum. Jafnframt hvetjum við ykkur til að taka nýja félaga með á fundinn. Hægt er að greiða félagsgjöld á fundinum.

Líkt og áður segir verður nýju sjálfboðaliðaverkefni Landverndar í landgræðslu Græðum Ísland (CARE) hleypt af stokkunum eftir fundinn við Þjófafoss í Þjórsá. Eru félagsmenn sérstaklega hvattir til að taka þátt í þeim viðburði og landgræðslustörfum á eftir.

Með von um að sjá ykkur sem flest,
f.h. stjórnar Landverndar,
Guðmundur Ingi Guðbrandsson,
framkvæmdastjóri Landverndar.

Log Landverndar 2012_samthykkt a adalfundi 12mai2012.pdf
Tillaga a adalfundi Landverndar_Sameining Landverndar og Framtídarlandsins_LOKA.pdf
Dagskra_Adalfundur Landverndar 2017_LOKA.pdf
Tögg
Adalfundur 2014_kosning.jpg  Kort af Gunnarsholti_LOKA.jpg 

Vista sem PDF

Leita í umsögnum

 

Landvernd eru frjáls félagasamtök sem starfa
að umhverfismálum. 
Taktu afstöðu og vertu með!

Við minnum á aðalfundinn 25.4.2019

Aðalfundur Landverndar 30. apríl 2018 28.3.2018

Umsögn um frummatsskýrslu um Hverfisfljótsvirkjun 2.11.2017

Umsögn um friðland í Þjórsárverum 4.10.2017

Stjórn Landverndar 13.5.2017

Caitlin Wilson 27.10.2016

Aðalfundur Landverndar verður 30. apríl 12.3.2016

Snorri Baldursson nýr formaður Landverndar 10.5.2015

Dagskrá aðalfundar Landverndar 2015 2.5.2015

Aðalfundur Landverndar 2015 7.4.2015

Aukið samstarf eða sameining náttúruverndarfélaga 7.4.2014

Aðalfundur hafinn: fimmföldun félagsmanna 5.4.2014

Aðalfundur Landverndar 5. apríl n.k. 28.3.2014

Boðað til aðalfundar Landverndar 5. apríl n.k. 8.3.2014

Hætt verði við Bjarnarflagsvirkjun 15.4.2013

Bregðast þarf skipulega við auknum ferðamannastraumi 15.4.2013

Grænfánaverkefnið verði eflt 15.4.2013

Stofnun kynslóðasjóðs fyrir mögulegan olíuarð 15.4.2013

Næstu skref í rammaáætlun 15.4.2013

Eina stofnun fyrir vernduð svæði á Íslandi 15.4.2013

Nýjum Álftanesvegi um Gálgahraun mótmælt 15.4.2013

Úrsögn Grindavíkur úr Reykjanesfólkvangi 15.4.2013

Aðalfundur Landverndar 13. apríl n.k. kl. 13-16 6.4.2013

Ályktanir aðalfundar Landverndar 27.5.2011

Fjölmennur aðalfundur Landverndar 27.5.2011

Kynning á frambjóðendum til stjórnar Landverndar 2011 24.5.2011

Efni aðalfundar 2011 - Umgengni við landið 18.5.2011

Tilkynning frá uppstillingarnefnd 17.5.2011

Aðalfundur 26. maí að Nauthóli 9.5.2011

Aðalfundur Landverndar 2006 28.4.2006

Ályktun um tilraunaverkefni um verndun menningarumhverfis landslags 31.10.1998