Project Image

Landvernd leitast við að hafa áhrif á stefnumótun og ákvarðanatöku í umhverfismálum með því að senda inn umsagnir um frumvarpsdrög, þingmál, skipulagsáætlanir, einstakar framkvæmdir og margvíslega áætlanagerð sem viðkemur umhverfismálum.

Aukið samstarf eða sameining náttúruverndarfélaga

Á fjölmennum aðalfundi Landverndar í gær voru kosnir þrír nýir stjórnarmenn, þau Andri Snær Magnason rithöfundur, Margrét Auðunsdóttir framhaldsskólakennari og Pétur Óskarsson rekstrarhagfræðingur.

Fundurinn ályktaði um fjögur mál: gjaldtöku af ferðamönnum (náttúrupassa), loftslagsmál, áskorun á verkefnisstjórn rammaáætlunar um að taka ekki fyrir svæði í núverandi verndarflokki í nýrri rammaáætlun, og um aukið, marvisst samstarf og mögulega sameiningu frjálsra félagasamtaka á sviði náttúru- og umhverfisverndar. Nánar er fjallað um ályktanir hér að neðan og þær má finna í fullri lengd í viðhengi.

Fram kom á fundinum að fjöldi félagsmanna í Landvernd hefur fimmfaldast á síðustu tveimur árum. Nýr samningur við umhverfis- og menntamálaráðuneyti um rekstur grænfánaverkefnisins var endurnýjaður til þriggja ára á starfsárinu og fjöldi þátttakenda í bláfánaverkefni samtakanna tvöfaldaðist. Þá var þremur nýjum langtímaverkefnum hleypt af stokkunum á síðasta starfsári sem verið hafa í undirbúningi síðan 2012: loftslagsverkefni með sveitarfélögum, landgræðsluverkefni með skólum á Suðurlandi og verkefninu Hálendið – hjarta landsins sem fjögur stór útivistarsamtök hafa gengið til liðs við. Markmið verkefnisins er að vernda hálendi Íslands gegn stórframkvæmdum á borð við virkjanir og tilheyrandi háspennulínur og uppbyggða vegi. Landvernd lét einnig vinna fyrir sig á árinu óháða úttekt á kostnaðarmuni jarðstrengja og loftlína á háum spennustigum sem leiddi í ljós að mun minni munur reynist almennt á kostnaði en Landsneti hefur reiknast til.

Gunnsteinn Ólafsson flutti erindi á fundinum um reynslu sína af baráttunni um Gálgahraun. Gunnsteinn sagði að náttúruverndarhreyfingin þyrfti að huga vandlega að réttindum sínum þegar kemur að málsmeðferð kæru- og dómsmála því þegar á reyni þá hafi dómstólar vísað málum tengdum Gálgahrauni frá á grundvelli þess að náttúruverndarfélög hafi ekki hagsmuni að verja – náttúran á sér sem sagt ekki málsvara fyrir dómstólum. Gunnsteinn hvatti til þess að náttúruverndarsamtök kæmu að málum mun fyrr í undirbúningsferli þeirra, þannig að þau gætu haft áhrif á endanlega niðurstöður mála svo síður þyrfti að koma til átaka eins og þeirra sem átt hafa sér stað um Gálgahraun.

Aukið samstarf eða sameining náttúruverndarsamtaka

Aðalfundur Landverndar samþykkti ályktun Ólafar Guðnýjar Valdimarsdóttur fyrrverandi formanns Landverndar um að fela stjórn samtakanna að óska eftir viðræðum við stjórnir annarra náttúruverndarfélaga, s.s. Náttúruverndarsamtaka Íslands og Framtíðarlandsins, um markvisst samstarf eða sameiningu samtakanna. Markmið þessa væri að styrkja náttúruverndarstarf í landinu. Fram kom í greinargerð ályktunarinnar að mikil átök væru framundan í náttúruverndarbaráttunni, m.a. í tengslum við rammaáætlun, landsskipulagsáætlun, stækkun raforkuflutningskerfisins og náttúruverndarlög. Markvisst samstarf eða sameining myndi leiða til hagræðingar og aukins samtakamáttar sem gæti skilað sterkara náttúruverndarstarfi.

Verkefnisstjórn rammaáætlunar hvött til að endurmeta ekki svæði í verndarflokki

Aðalfundur Landverndar hvetur verkefnisstjórn rammaáætlunar til að taka svæði í núverandi verndarflokki ekki til endurskoðunar í þriðja áfanga rammaáætlunar um vernd og orkunýtingu landsvæða. Aðalfundurinn mótmælir jafnframt harðlega öllum tilraunum orkufyrirtækja og opinberra stofnana, þ.m.t. Orkustofnunar og umhverfis- og auðlindaráðuneytis, til að fá verkefnisstjórnina til að taka upp svæði í verndarflokki og meta á nýjan leik í þriðja áfanga rammaáætlunar um vernd og orkunýtingu landsvæða. Með framferði sínu hafa þessir aðilar að engu áralangar tilraunir til að eyða óvissu um afdrif fjölmargra náttúruperlna og sátt um vernd þeirra gegn orkunýtingu.

Gjaldtaka af ferðamönnum og uppbygging innviða

Aðalfundur Landverndar hvetur iðnaðar- og viðskiptaráðherra til að láta útfæra fleiri tillögur að gjaldtöku af ferðamönnum til uppbyggingar ferðamannastaða en s.k. náttúrupassa, þar á meðal hóflegt komu- eða brottfarargjald sem einungis yrði rukkað af einum farmiða á ári og breytingar á gistináttagjaldi sem einnig næði til skemmtiferðaskipa. Aðalfundurinn ítrekar mikilvægi þess að gjaldtökuleiðir gangi ekki í berhögg við hinn forna almannarétt um frjálsa för fólks og dvöl á óræktuðu landi. Náttúrupassi stangast á við almannarétt, kallar á umfangsmikla uppbyggingu markaðs-, sölu- og eftirlitskerfis og gæti leitt til neikvæðra breytinga á viðhorfum fólks og umgengni við náttúruna og ferðaþjónustuna. Þá varar aðalfundurinn sérstaklega við hugmyndum um að girða af einstaka ferðamannastaði og náttúruperlur í þeim tilgangi að taka gjald af svæðunum og hefta þannig för almennings. Aðalfundurinn harmar að slík gjaldtaka sé þegar hafin á vinsælum ferðamannastöðum á Íslandi.

Stjórnvöld hvött til að láta af orðræðu um gróða Íslendinga af loftslagsbreytingum

Aðalfundur Landverndar samþykkti ályktun Sveins Atla Gunnarssonar um að hvetja ríkisstjórn Íslands til að taka skilvirkan þátt í lausn á loftslagsvandanum með m.a. umræðu og fræðslu um loftslagsbreytingar og áhrif þeirra, og virkri þátttöku á alþjóðavettvangi. Í greinargerð með ályktuninni er hvatt til þess að komist verði út úr þeirri grunnhyggnu orðræðu að Íslendinga bíði mikil tækifæri við hlýnun jarðar og að þess í stað þurfi Ísland að vera á meðal þeirra þjóða sem vinna að lausnum til framtíðar. Þær felist ekki í óskhyggju og olíuvinnslu, heldur áræðni og þori til að takast á við vandann.

 

ALLAR alyktanir adalfundar Landverndar 2014_LOKA
Tögg
Atkvaedagreidsla a adalfundi Landverndar 2014     Adalfundur Landverndar 2014_Gudm Hordur formadur     Adalfundur Landverndar 2014_hlytt a Gunnstein Olafsson     Adalfundur Landverndar 2014_nokkrir fundargesta     Gunnsteinn Olafsson formadur Hraunavina heldur avarp a adalfundi Landverndar 2014    

Vista sem PDF

Leita í umsögnum

 

Landvernd eru frjáls félagasamtök sem starfa
að umhverfismálum. 
Taktu afstöðu og vertu með!

Ályktanir samþykktar á aðalfundi Landverndar 2019 7.5.2019

Við minnum á aðalfundinn 25.4.2019

Þriggja ára styrktarsamningur vegna Skóla á grænni grein í höfn 18.2.2019

Umsögn um aðgerðaráætlun ríkisstjórnarinnar í loftslagsmálum 5.12.2018

Ályktanir samþykktar á aðalfundi 2018 7.5.2018

Aðalfundur Landverndar 30. apríl 2018 28.3.2018

Aðalfundur Landverndar 13. maí og Græðum Ísland hleypt af stokkunum 5.5.2017

Orkunýtingarflokkur orðinn alltof stór 6.4.2017

Fleiri virkjunarhugmyndir í verndarflokk 3.8.2016

Aðalfundur Landverndar verður 30. apríl 12.3.2016

Tímalína og gögn vegna breytinga á starfsreglum rammaáætlunar 25.2.2016

Drög að breytingum á starfsreglum harðlega gagnrýndar 23.2.2016

Ráðherra tryggi fjárveitingar til friðlýsinga í virkjana- og verndaráætlun 15.9.2015

Fjöldi manns mótmælti með Landvernd á Austurvelli í dag 13.5.2015

Mótmælafundur á Austurvelli 12.5.2015

Snorri Baldursson nýr formaður Landverndar 10.5.2015

Dagskrá aðalfundar Landverndar 2015 2.5.2015

Aðalfundur Landverndar 2015 7.4.2015

Náttúruverndarsamtök telja tillögur Orkustofnunar ekki standast lög 10.3.2015

Landvernd stefnir Landsneti vegna kerfisáætlunar 30.1.2015

Táknræn gjöf afhent iðnaðar og viðskiptaráðherra 29.1.2015

Áskorun á Alþingismenn 28.1.2015

Sátt um rammaáætlun rofin og leikreglur brotnar 27.11.2014

Gálgahraunstónleikar til styrktar níumenningunum 29.10.2014

Gálgahraun til Mannréttindadómstólsins 13.10.2014

Málþing um virkjanir og samfélag í Skaftárhreppi 25.4.2014

Aðalfundur hafinn: fimmföldun félagsmanna 5.4.2014

Aðalfundur Landverndar 5. apríl n.k. 28.3.2014

Gagnrýna flokkun Hvammsvirkjunar í nýtingarflokk 19.3.2014

Umsögn við drög að frumvarpi til laga um náttúrupassa 17.3.2014

Boðað til aðalfundar Landverndar 5. apríl n.k. 8.3.2014

Telja tillögu ráðherra ekki samræmast lögum 15.1.2014

Fréttatilkynning vegna framkvæmda í Gálgahrauni 19.8.2013

Landvernd fagnar afstöðu sveitarstjórnar Þingeyinga til virkjana í Skjálfandafljóti 31.5.2013

Hætt verði við Bjarnarflagsvirkjun 15.4.2013

Bregðast þarf skipulega við auknum ferðamannastraumi 15.4.2013

Grænfánaverkefnið verði eflt 15.4.2013

Stofnun kynslóðasjóðs fyrir mögulegan olíuarð 15.4.2013

Næstu skref í rammaáætlun 15.4.2013

Eina stofnun fyrir vernduð svæði á Íslandi 15.4.2013

Nýjum Álftanesvegi um Gálgahraun mótmælt 15.4.2013

Úrsögn Grindavíkur úr Reykjanesfólkvangi 15.4.2013

Aðalfundur Landverndar 13. apríl n.k. kl. 13-16 6.4.2013

Umsögn um tillögu verkefnisstjórnar rammaáætlunar um flokkun virkjunarhugmynda 19.3.2013

Umsögn um drög að lögum um loftslagsmál 20.2.2012

Sameiginleg umsögn 13 náttúruverndarfélaga um rammaáætlun 18.11.2011

Landvernd hvetur borgarstjórn - Bitra verði áfram í verndarflokki 8.11.2011

Orkunýtingarflokkur, biðflokkur eða verndarflokkur? 11.10.2011

Ályktanir aðalfundar Landverndar 27.5.2011

Fjölmennur aðalfundur Landverndar 27.5.2011

Kynning á frambjóðendum til stjórnar Landverndar 2011 24.5.2011

Efni aðalfundar 2011 - Umgengni við landið 18.5.2011

Tilkynning frá uppstillingarnefnd 17.5.2011

Aðalfundur 26. maí að Nauthóli 9.5.2011

Landvernd hvetur til pólítískrar sáttar um stækkun friðlands í Þjórsárverum 19.8.2010

Aðalfundur Landverndar 2006 28.4.2006

Ályktun um tilraunaverkefni um verndun menningarumhverfis landslags 31.10.1998