Project Image

Landvernd leitast við að hafa áhrif á stefnumótun og ákvarðanatöku í umhverfismálum með því að senda inn umsagnir um frumvarpsdrög, þingmál, skipulagsáætlanir, einstakar framkvæmdir og margvíslega áætlanagerð sem viðkemur umhverfismálum.

Naust fagnar stækkun þjóðgarðs

Landvernd    20.9.2004
Landvernd

Að mati Naust er það skynsamlegt skref að stækka þjóðgarðinn með því að tengja Lakagígja við hann. Það yrði einnig fagnaðarefni yrði Skaftafell sett á Heimsminnjaskrá UNESCO. Þetta tvennt er þýðingarmikið fyrir náttúruvernd og búsetu í Skaftafellssýslum.

NAUST telur áriðandi að settar verði frá upphafi skýrar reglur varðandi akstur ökutækja innan þjóðgarðsins, bæði á jökuli en ekki síst á láglendið, þar sem í dag er töluvert um utanvega akstur. Nauðsynlegt er að merkja vegi og slóða sem aka má á en loka öðrum. Í dag er þetta ábótavant á landsvæðum sem munu bætast við þjóðgarðinn.

Hvað varðar umferð reiðhjóla og hrossa er einnig áríðandi að merkja vel og upplýsa ferðamannin um gildandi reglur, því þó að reglurnar eru skýrar eru þær lítt þekktar og erfitt fyrir innlenda sem erlenda gesti að átta sig á þeim. Raunin er sú að menn eru oft að brjóta lög í góðri trú. Reyndar er það þannig í dag að engar merktar reið- og hjólaleiðir eru í þjóðgarðinum í dag og heldur ekki á Lakasvæðinu, og er því töluverð vinna eftir svo að menn geta ferðast innan þjóðgarðsins á hestbaki og hjólandi á hefðbundnum leiðum með samviskuna í lagi. Töluvert er um að heimamenn ferðast í gegnum Skaftafellssýslur ríðandi. Stækkun þjóðgarðsins í Skaftafelli má ekki valda því að árekstrar verða milli heimamanna og þjóðgarðsins, og óskar NAUST eftir sveigjanleiki og skilningi þegar kemur að því að festa leiðir á kort. NAUST er tilbúið að veita aðstoð, ef óskað er eftir því.

Í bréfi Naust segir einnig að við gerð verndaráætlunar og við skipulag á landnotkun fyrir þjóðgarðinn verði að bygga á þekkingu á náttúrufari og menningarminjum. því telur NAUST áríðandi að efla rannsóknir á því sviði, innan þjóðgarðsins. Margt er enn óvitað um náttúrufar í Skaftafellssýslum, má þar til dæmis nefna eldgos í Öræfajökli, þróun tófustofna í Skaftafelli og fjölda menningarminja.

Finnst þér Landvernd vera skeleggur málsvari umhverfis- og náttúruverndar og viltu styðja samtökin með því að gerast gerast félagi?
 

Tögg

Vista sem PDF

Leita í umsögnum

 

Landvernd eru frjáls félagasamtök sem starfa
að umhverfismálum. 
Taktu afstöðu og vertu með!