Plastglas á strönd. Plastáskorun. Hvaða plasti getur þú sleppt?

Plastáskorun – Hvað nota ég og hverju get ég sleppt?

Share on facebook
Share on twitter
Share on email
Plastáskorun - Hvað notar þú daglega? Hverju er auðvelt að sleppa og hverju er erfitt að sleppa? Hvaða markmið ætlar þú að setja þér?

Stutt lýsing
Nemendur kanna hve mikið plast þeir nota dagsdaglega og setja sér svo markmið um að minnka notkun plasts.

Markmið

Að nemendur geri sér grein fyrir hversu mikið af einnota plasti við notum daglega og íhugi aðrar leiðir.

Að nemendur læri um plastmengun í hafi og hvernig megi koma í veg fyrir hana.

Að nemendur setji sér persónulegt markmið og fylgi því eftir.

Lykilspurningar

Hvaða hlutir sem þú notar dagsdaglega eru úr plasti?
Hverjir þeirra eru einnota?
Hverjir eru fjölnota?
Hvaða einnota plasti getur þú sleppt auðveldlega?
Hvað gætir þú notað í staðinn?
Af hverju ættum við að hætta að nota einnota plastumbúðir?

Efni

Skráningablað má sækja hér. 

Aðferð

Verkefnið er heimaverkefni – hægt er að vinna hluta af því í kennslustund.

Hver nemandi á að fylgjast með því hvaða hluti (úr plasti) hann notar yfir daginn. Vinsamlegast skráið alla hluti sem þið notið eða snertið á skráningarblaðið.

Verkefnið hefst þegar nemandinn vaknar og lýkur þegar hann fer að sofa.

Næsta dag á nemandi að skoða niðurstöður sínar og velta fyrir sér hverju hann getur auðveldlega sleppt og setur sér markmið fyrir næstu viku.

Plastáskorun: 1. Gagnasöfnun

Nafn á bekk                                                   Nafn:       

Hvað notar þú mikið af plasti? Hverju getur þú sleppt? 

Laugardaginn __________ ætlum við nemendur í ________að reyna að kanna hve mikið plast við notum þann daginn.

Verkefnið er heimaverkefni – heilsdagsverkefni.

Hver nemandi á að fylgjast með því hvaða hluti (úr plasti) hann notar yfir daginn. Vinsamlegast skráið alla hluti sem þið notið eða snertið á skráningarblaðið.

Verkefnið hefst þegar þú vaknar og lýkur þegar þú ferð að sofa.

Dæmi: tannkrem, tannbursti..

Ég fékk mér hafragraut í stað þess að fá mér cheerios, því að morgunkornið var í plasti í pakkanum.

Hlutir úr plasti sem ég notaði/snerti? Hvað gæti ég notað í staðinn?

Plastáskorun: 2. Markmiðasetning

Til umhugsunar:

Get ég notað minna plast?  Hvað get ég notað í staðinn? Hverju eru auðvelt að sleppa? Hverju er erfitt að sleppa?

Markmið fyrir næstu viku.

Veldu þér einn hlut sem þú telur að þú getir sleppt. Hvað ætlar þú að nota í staðinn? Gangi þér vel!

Í næstu viku ætla ég að minnka notkun á:

Share on facebook
Share on twitter
Share on email

Taktu afstöðu með náttúrunni

Gakktu í lið með Landvernd
Scroll to Top