Hreint haf - Teikning. Mynd af dýrum og plastpokum neðansjávar. Forsíðumynd - Plast á norðurslóðum er námsefni fyrir yngri nemendur grunnskóla um hafið og plastmengun í hafi.

Hreint haf – Plast á norðurslóðum

Share on facebook
Share on twitter
Share on email
Hvernig hefur hafið áhrif á líf okkar og hvernig höfum við áhrif á hafið? Í bókinni Hreint haf - Plast á norðurslóðum er hafið skoðað á heildstæðan hátt. Námsefnið er ætlað nemendum yngsta- og miðstigs.

Hvernig hefur hafið áhrif á líf okkar og hvernig höfum við áhrif á hafið? Í bókinni Hreint haf – Plast á norðurslóðum er hafið skoðað á heildstæðan hátt. Námsefnið er ætlað nemendum yngsta og miðstigs og er öllum opið til notkunar án kostnaðar.

Á jörðinni er aðeins eitt haf

Sérð þú hvar eitt haf endar og hvar annað haf byrjar? Hafið þekur um 71% yfirborðs jarðarinnar. Meirihluti lífvera (dýr, plöntur og fleira) býr í hafinu.

Annar hver andardráttur þinn kemur úr hafinu

Plöntusvifið í hafinu andar að sér koltvíoxíði og andar frá sér súrefni. Helmingur súrefnis í andrúmsloftinu kemur frá þessum agnarsmáu lífverum.

Plastfisk á diskinn þinn?

Plast er sniðug uppfinning og hefur hjálpað mannfólkinu mikið. Vandamálið við plastið er hvernig við notum það og hversu mikið. Einnota plast er oft ónauðsynlegt og notað aðeins í skamman tíma.

Hvernig getum við hjálpað hafinu?

Við getum gætt að hafinu með því að kaupa ekki óþarfa og passa það sem fer í niðurfallið.

Það er hægt að hjálpa hafinu á klósettinu!

Blautþurrkur, eyrnapinnar og drasl á ekki að fara í klósettið. Klósettpappír og líkamsvessar eins og piss, kúkur, blóð og gubb má fara í klósettið.

Hvernig vilt þú hjálpa hafinu?

Fyrsta skrefið er að læra um hafið og hve mikilvægt það er. Svo er sniðugt að láta aðra vita og segja fullorðna fólkinu frá því svo að það hjálpi við að vernda hafið.

Rafbók eftir Margréti Hugadóttur

Hreint haf – Plast á norðurslóðum samanstendur af rafbók og verkefnasafni. Bókin er unnin í samstarfi Landverndar, Menntamálastofnunar og Umhverfisstofnunar og gerð fyrir NordMarPlastics, formennskuverkefni Íslands í Norrænu ráðherranefndinni. Efnið verður aðgengilegt á öllum Norðurlöndunum í gegnum Norden i skolen.

Höfundur er Margrét Hugadóttir, sérfræðingur hjá Skólum á grænni grein. Margrét hefur áður ritað bókina Hreint haf – fyrir eldri nemendur. Hún hefur komið að útgáfu fjölbreytts námsefnis sem byggir á hugsmíðahyggju, menntun til sjálfbærni, leitarnámi og umbreytandi námi.

 

 

 

 

Share on facebook
Share on twitter
Share on email
Scroll to Top