Skráðu skólann þinn á græna grein. Verkefnið hefur víðtæk áhrif og taka skólar ábyrga afstöðu til umhverfismála. Með því að innleiða raunhæfar aðgerðir og vinna á markvissan hátt að sjálfbærni í skólanum sýnir reynslan að skólar geta sparað talsvert í rekstri.

Vilt þú komast á græna grein? Nýskráning.

Share on facebook
Share on twitter
Share on email
Skráðu skólann þinn á græna grein. Verkefnið hefur víðtæk áhrif og taka skólar ábyrga afstöðu til umhverfismála. Með því að innleiða raunhæfar aðgerðir og vinna á markvissan hátt að sjálfbærni í skólanum sýnir reynslan að skólar geta sparað talsvert í rekstri.

Verkefnið byggir á valdeflingu nemenda og lýðræðislegu skólastarfi

Skólar sem hafa áhuga á að vera í verkefninu byrja á því að skrá sig hér að ofan.  

Þegar skólinn hefur verið formlega skráður á græna grein fær hann senda handbók verkefnisins og staðfestingu á þátttöku í verkefninu. Vinna við verkefnið felst í því að stíga skrefin sjö. Skólar ráða hversu langan tíma þeir taka í þá vinnu en að jafnaði tekur það um tvö ár. 

Skólar velja sér þema eða þemu til að vinna með fyrir hvert tímabil og stíga skrefin sjö í samræmi við þau markmið sem sett voru. 

Þegar skóli telur sig hafa stigið skrefin til fulls sendir hann inn umsókn ásamt greinagerð til Landverndar. Starfsmaður Landverndar mætir svo í skólann til að taka út starfið. 

Skólar á grænni grein geta sótt ráðgjöf til Landverndar um allt sem lýtur að þessu starfi. Skólar á grænni grein og grænfánaskólar mynda tengslanet, eiga samstarf og skiptast á upplýsingum. 

Sérfræðingar skóla á grænni grein bjóða þátttökuskólum upp á kynningu á verkefninu og vinnustofur fyrir starfsfólk. Árlega er fulltrúum skóla boðið á grænfánaviðburð á vegum Landverndar, annað hvert ár á stóra ráðstefnu og hitt árið á landshlutafundi sem fara fram í öllum landshlutum.  

Þátttökugjald fyrir hvert skólaár er 135 krónur á hvern nemanda skólans en þó að lágmarki 25.000 kr. á skóla og að hámarki 95.000 kr. Ef skólar eru á fleiri en einni starfsstöð, eru greiddar 15.000 krónur fyrir hverja starfsstöð en hámarksgreiðslan aðeins greidd einu sinni.

Landvernd sendir skólunum reikninga fyrir árgjaldinu. 

Share on facebook
Facebook
Share on twitter
Twitter
Share on email
Email
Scroll to Top