Verkefni Landverndar

Landvernd hefur það að markmiði að vernda ósnortin víðerni og náttúru Íslands, svo að komandi kynslóðir fái notið hennar um ókomna tíð. 

Öll verkefni samtakanna tengjast því náttúruvernd og sjálfbærni.

Skólar á grænni grein, grænfánaverkefnið er alþjóðlegt umhverfismenntarverkefni sem rekið er af Landvernd á Íslandi. Verkefnið er stærsta umhverfismenntaverkefni í heimi og er haldið úti af samtökunum Foundation for Environmental Education.
Græðum Ísland er landgræðsluverkefni fyrir hópa og einstaklinga sem vilja leggja sitt af mörkum í sjálfboðavinnu til að bæta gróður- og jarðvegsauðlindina og ásýnd landsins, hvort sem það eru ferðamenn, nemendur eða starfsmannahópar, innlendir sem erlendir.

Við erum að eyðileggja náttúruauðlindir, við erum að stuðla að eymd fólks í öðrum löndum. Það er verið að stunda þrælahald fyrir mat sem við hendum svo. Það er verið að eyðileggja regnskóga fyrir mat sem við hendum svo. Fólk þarf að átta sig á því hverju það er að henda. Landvernd vinnur að því með þér.

Meginmarkmið Hreinsum Ísland er að fræða almenning um skaðsemi plasts á hafið og lífríkið og virkja almenning, framleiðendur og fyrirtæki til að leggja sitt af mörkum í þessari baráttu með því að endurhugsa neyslu sína, afþakka og endurnota.
Verkefnið Öndum léttar, styður við sveitarfélög sem vilja hafa áhrif og gera sér aðgerðaráætlun í loftslagsmálum. Handbókin Öndum léttar aðstoðar sveitarfélög sem hyggjast gera kolefnisbókhald og aðgerðaáætlun um samdrátt í losun gróðurhúsalofttegunda.
Landvernd vinnur í samstarfi við Landgræðslu ríkisins með grunn- og framhaldsskólum að langtímaverkefni um vistheimt og mikilvægi hennar við að endurheimta landgæði, líffræðilegan fjölbreytileika og draga úr loftslagsbreytingum.

Í háværri umræðu um loftlagskvíða er ætlunin að verkefnið valdefli ungt fólk og gefi þeim tækifærin og tólin til þess að hafa áhrif á umhverfismáiln.
Nemendur geta komist í alþjóðlega keppni með verkefnin.
Er skólinn þinn áhugasamur um að vita meira um verkefnið? Hafðu samband.

Scroll to Top