No products in the cart.
SJÁLFBÆRT SAMFÉLAG
Sjálfbærni snýst um að allir jarðarbúar, óháð hvar og hvenær þeir eru fæddir geti mætt sínum þörfum um vatn, fæðu, húsaskjól, menntun og heilbrigðisþjónustu svo eitthvað sé nefnt, án þess að ganga svo nærri auðlindum og lífríki jarðar að komandi kynslóðir geti ekki mætti sínum þörfum.
Við þurfum langtímaplan
Í raun er sjálfbært samfélag langtímaplan þar sem gert er ráð fyrir jafnvægi á milli samfélags, efnahags og náttúru. Ágangur manna á auðlindir jarðar er mikill og dregur hann úr tækifærum sem börnin á jörðinni og komandi kynslóðir geta nýtt sér í framtíðinni.
Mikilvægt er að draga úr neyslu og stefna að sjálfbærri nýtingu auðlinda með framtíð mannkyns og lífs á jörðu að leiðarljósi.
Stefna Landverndar tengd sjálfbæru samfélagi
Landvernd vill að dregið sé úr sóun og að Íslendingar verði meðvitaðir um eigið fótspor á kostnað annarra. Samtökin vilja vekja fólk til vitundar um neyslu svo að það endurhugsi framtíðina.
Þróað land er ekki þar sem fátækir eiga bíl, heldur þar sem ríkir nota almenningssamgöngur.
