GRÆN PÓLITÍK LANDVERNDAR
– Leyfum náttúrunni að njóta vafans –
Landvernd hefur áhrif á stefnumótun og ákvarðanatöku í umhverfismálum með því að senda inn umsagnir um þingmál, einstakar framkvæmdir og áætlanagerð sem viðkoma umhverfi og náttúru.
Íslensk náttúra er sérlega viðkvæm fyrir raski. Landvernd stendur vörð um náttúruna. Stjórn Landverndar ályktar um málefni tengd umhverfismálum og náttúruvernd.
Landvernd krefst þess að farið sé að lögum. Náttúran á að fá að njóta vafans. Samtökin hafa látið reyna á nokkur mál fyrir dómi á síðustu árum, ýmist ein sér eða í félagi við önnur umhverfisverndarsamtök.
Landvernd hefur barist fyrir náttúruvernd í hálfa öld, þar með talið gegn loftslagsvánni. Taktu undir áskorun Landverndar og skrifaðu undir.
Græn pólitík Landverndar
Landvernd stendur vörð um lýðræðislega stjórnarhætti þegar kemur að umhverfismálum. Í lögum samtakanna segir að markmið þeirra sé „sjálfbær umgengni þjóðarinnar heima við og á hnattræna vísu“.
Árósasamningurinn tryggir rétt almennings til að koma að ákvarðanatöku um náttúruna.
Almenningur hefur skýlausan rétt til þess að hafa eitthvað um það að segja hvernig sameiginlegar auðlindir eru nýttar og hvernig gengið er um sameiginleg land- og náttúrugæði.
Græn pólitík 2018-2019
Landvernd stendur vörð um lýðræðislega stjórnarhætti þegar kemur að umhverfismálum.
Landvernd tekur virkan þátt í stefnumótun í umhverfismálum með gerð umsagna um fjölda þingmála, skipulagsmál sveitarfélaga, áætlanagerð og einstakar framkvæmdir á vegum einkaaðila og hins opinbera.
Landvernd beitir sér einnig í ákvarðanatöku er varðar umhverfismál, m.a. með því að láta reyna á stjórnsýsluákvarðanir og reka mál fyrir dómstólum.
Fulltrúar samtakanna eiga sæti í starfshópum á vegum hins opinbera, taka þátt í opnum fundum um margvísleg málefni og vekja athygli á umhverfismálum í fjölmiðlum.
Samtökin virkja önnur félagasamtök og einstaklinga með sér í þessu starfi.
