Fréttir

Margrét  Hugadóttir    6.2.2017
Margrét Hugadóttir

Hefur þú velt því fyrir þér hverju þú fleygir í ruslið? Og hvað heldur þú að úrgangurinn sé mikill á einu ári? Ef við gerum ráð fyrir því að við fleygjum um 2 kg í ruslafötuna daglega alla 365 daga ársins, getum við reiknað út að hver og einn fleygir u.þ.b. 730 kg í ruslið árlega. Þetta verður mikill úrgangur þegar við erum mörg, t.d. allir nemendur í einum bekk. Gætum við notað eitthvað af þessu aftur eða á annan hátt?

Á dögunum gaf Norræna ráðherranefndin í samstarfi við Landvernd út námsefni um úrgangsforvarnir. Námsefnið er ætlað miðstigi og efri bekkjum grunnskóla en þó má nota það í náttúrufræðikennslu og tæknimennt allra skólastiga. 

Námsefnið nefnist Af stað með úrgangsforvarnir og skiptist það í nemendahefti og kennsluleiðbeiningar

Í heftunum er að finna fjölda skemmtilegra verkefna sem fjalla um hvernig við getum komið í veg fyrir myndun úrgangs frá fatnaði, mat og rafeindatækjum.

Námsefnið má nálgast hér:

Nemendahefti

Kennsluleiðbeiningar

Urgangsf.jpg  Urgangsforvarnir.jpg 

Vista sem PDF

 

Stöndum vörð um náttúru Íslands

Taktu afstöðu og vertu með!

Leita í fréttum



Þátttaka í ákvarðanatöku

Mynd/Mannvit
Nýtt framkvæmdaleyfi Brúarvirkjunar kært og krafist stöðvunar framkvæmda
Samtökin telja að málsmeðferð Bláskógabyggðar við veitingu nýs framkvæmdaleyfis sé andstæð lögum og að á henni séu bæði form- og efnisannmarkar sem eigi að leiða til ógildingar. Krafa samtakanna um stöðvun framkvæmda byggir m.a. á frétt í Morgunblaðinu frá í gær (26. mars 2018) um að byrjað verði að setja niður vinnubúðir á virkjunarstað í þessari viku og að strax eftir páska muni starfsmenn Ístaks hefjast handa um framkvæmdir.