Þann 30.október sl. stóð Rannsóknamiðstöð ferðamála fyrir örfyrirlestrum í Öskju um Áhrif ferðamanna á náttúru Íslands. Guðmundur Ingi Guðbrandsson, framkvæmdastjóri Landverndar, hélt þar erindi og nálgaðist málið á nýjan hátt. Hann talaði um ásókn orkugeirans í auðlindir hálendisins og áhrif þess á ferðaþjónustuna.
Hann segir að með hugmyndum orkugeirans um víðtæka aukna orkuvinnslu á hálendinu valdi orkugeirinn miklu álagi á náttúruna og þar með á þá auðlind sem ferðaþjónustan byggir ímynd og afkomu sína á.
