Fólk er almennt sammála um að herða þurfi refsingar við akstri utan vega og auka eftirlit með honum. Þetta er meðal þess sem kemur fram í nýrri meistaraprófsritgerð Kristínar Þóru Jökulsdóttur er nefnist Akstur utan vega á Íslandi: Viðhorf og ástæður.
Yfir 80% aðspurðra í könnun Kristínar voru þeirrar skoðunar að of vægt væri tekið á utanvegaakstri og rúmur helmingur var hlynntur því að landverðir (58,8%) og þjóðgarðsverðir (55,5%) ættu að hafa leyfi til þess að sekta fyrir akstur utan vega. Með því að gefa þessum hópum slíkt leyfi myndi skapast tækifæri til að auka verulega eftirlit með akstri á hálendinu og verndarsvæðum.
Þetta er fyrsta rannsókn sinnar tegundar hér á landi þar sem reynt er að komast að ástæðum utanvegaaksturs og viðhorfum almennings til hansá kerfisbundinn hátt. Í ritgerðinni segist Kristín vonast til að niðurstöður rannsóknarinnar geti nýst til stefnumörkunar á þessu sviði.
Landvernd, Landgræðsla ríkisins og Ferðaklúbburinn 4x4styrktu rannsókn Kristínar.
Akstur utan vega á Íslandi: Viðhorf og ástæður á Skemman.is.
Meðfylgjandi mynd Ellerts Grétarssonar sýnir afleiðingar utanvegaaksturs við Grænavatn á Núpshlíðarhálsi.
“
