blom

Alviðrudagurinn 14. júlí: Náttúruupplifun fyrir alla fjölskylduna

Í boði verður fjölbreytt náttúruskoðun og ganga fyrir alla fjölskylduna í fallegu umhverfi við Sogið. Skoðuð verða skordýr, plöntur og fuglar og farið í skemmtilega náttúruleiki. Eitthvað við allra hæfi. Aðgangur ókeypis.

Landvernd efnir til fjölskyldudagskrár í Alviðru í Ölfusi laugardaginn 14. júlí frá 12-15. Í boði verður fjölbreytt náttúruskoðun, ganga og náttúruleikir fyrir alla fjölskylduna í fallegu umhverfi.

Dagskráin er eftirfarandi:

12:00 Skordýr og gróður með stækkunargleri. Skordýrum og plöntum verður safnað í nágrenni Alviðru og skoðuð í víðsjá (stækkunargleri). Umsjón hefur Hrefna Sigurjónsdóttir. Samveran varir í u.þ.b. 2 klst.

12:00 Að upplifa og njóta náttúrunnar. Helena óladóttir veitir fólki innsýn í útinám og náttúruleiki í gönguferðmeð útikennsluívafi. Samveran varir í u.þ.b. 1 klst.

14:00 Fuglaskoðun með Hjálmari A. Jónssyni frá Fuglavernd. Samveran varir í u.þ.b. 1 klst.

Þátttaka verður ókeypis. Gott er að taka með sér sjónauka, plöntu- og fuglagreiningarbækur, klæða sig eftir veðri og góða skapið!

Kaffi, kakó og vöfflur verða til sölu á staðnum.

Hlökkum til að sjá sem flesta og njóta náttúrunnar með okkur í Alviðru í Ölfusi!

Share on facebook
Facebook
Share on twitter
Twitter
Share on email
Email
Scroll to Top