Sunnudaginn 14. september kl. 14:00 verður hið árlega Alviðruhlaup í tilefni af Degi íslenskrar náttúru.
Hlaupið í náttúrunni við Sogið
Alviðruhlaupið er gott tækifæri til að kynnast Soginu, vatnsmestu lindá landsins, og einstakri náttúrufegurð svæðisins við fljótið undir Ingólfsfjalli.
Hlaupið verður frá bæjarhlaðinu í Alviðru, á göngustíg á brúnni yfir Sogið og um stíga á birkivöxnu Öndverðarnesi með útsýni yfir Sogið og Hvítá. Vegalengdin er um 8 km.
Eftir hlaupið verður boðið upp á hressingu í Alviðru.
Áhugasamir eru beðnir um að senda skilaboð á stjórnanda hlaupsins á netfangið: agusta.jonsdottir@gmail.com
Jörðin Alviðra undir Ingólfsfjalli við Sogið er friðland og fræðslumiðstöð Landverndar. Öndverðarnes II er eign Árnesinga og er einnig friðland með merktum gönguleiðum og opið almenningi.
Staðsetning Alviðru: https://ja.is/kort/?d=hashid%3AbqpbZ&x=402950&y=390092&type=map&nz=13.70
