Við leitum að skapandi og drífandi einstaklingi til starfa í menntateymi Landverndar. Menntateymið hefur umsjón með alþjóðlegu menntaverkefnunum Grænfánanum og Umhverfisfréttafólki.
Grænfánaverkefnið er rekið í um 200 skólum á öllum skólastigum á Íslandi og talið eitt besta innleiðingartæki menntunar til sjálfbærni í dag.
Umhverfisfréttafólk er spennandi verkefni þar sem ungu fólki gefst tækifæri til þess að kynna sér umhverfismál, miðla þeim og senda í keppni á vegum Landverndar.
Helstu verkefni og ábyrgð
- Úttektir í þátttökuskólum
- Sjá um kynningar og námskeið í skólum og víðar
- Ráðgjöf til skóla varðandi umhverfismál og menntun til sjálfbærni
- Námsefnisgerð
- Kynningarmál menntaverkefna Landverndar
- Skipuleggja viðburði ásamt menntateymi
- Vinna að þróun og framgangi menntaverkefna ásamt menntateymi
Menntunar- og hæfniskröfur
- Háskólapróf, kostur ef það er á sviði mennta – eða umhverfisvísinda
- Færni í mannlegum samskiptum ásamt metnaði í starfi
- Frumkvæði, skipulagshæfni og sjálfstæð vinnubrögð
- Góð færni í íslensku og ensku
- Æskilegt er að viðkomandi hafi þekkingu á menntun til sjálfbærni
- Góð þekking á upplýsingamiðlun
- Reynsla af starfi í skólum og/eða starfi með börnum og ungmennum er æskileg
Umsóknarfrestur er til 24. júní.
Umsóknir skulu sendar á graenfaninn@landvernd.is merktar „Grænfánaumsókn“.
Umsókn þarf að fylgja ferilskrá og greinagerð þar sem ástæða umsóknar er útlistuð, hæfni viðkomandi til að gegna starfinu er lýst og bent á a.m.k. 2-3 meðmælendur.
Nánari upplýsingar veitir Sigurlaug Arnardóttir verkefnisstjóri Grænfánans, sigurlaug@landvernd.is og í s. 6914261
