Verkefnið Ungt umhverfisfréttafólk hjá Landvernd er ætlað ungu fólki og snýst um að kynna sér umhverfismál og miðla upplýsingum til almennings með fjölbreyttum leiðum. Tíu verkefni komust í undanúrslit árið 2020. Verkefnin voru af ólíkum toga og komu frá framhaldsskólum víðsvegar af landinu. Valgerður Haraldsdóttir er 21 árs og stundar nám í Fjölbrautaskólanum við Ármúla. Ljósmyndin hennar, Neysluhyggja, komst í undanúrslitakeppni Ungs umhverfisfréttafólks árið 2020.
Á myndinni má sjá stúlku með bréfpoka á hausnum og plöntu í plastpoka í annarri hendi. Ljósmyndin er tekin að vetri til og bakgrunnurinn er kuldalegur skógur.
Fólk er blindað af neysluhyggju og hvorki sér né skynjar náttúruna í kringum sig sem bíður skaða af – Valgerður
![neysluhyggja, verkefni frá ungu umhverfisfréttafólki, landvernd.is](https://landvernd.is/wp-content/uploads/2020/06/neysluhyggja-ungtumhverfisfrettafolk-2020-1024x575.jpg)
Ert þú að spá í því að taka þátt í keppninni? Kynntu þér hvernig verkefnin eru metin.
Fjölbrautaskólinn við Ármúla hefur gert garðinn frægan í verkefninu Ungt umhverfisfréttafólk. Verkefni frá skólanum hreppti annað sætið og val unga fólksins árið 2020. Sjáðu sigurverkefnið frá þeim hér!