Roar Aagestad fékk fyrstu verðlaun í ljósmyndaleik Landverndar og Hjarta landsins fyrir mynd af Kýlingum í Friðlandi að Fjallabaki. Ómar Ragnarsson veitti honum verðlaunin á Kex í gær en þau eru flugferð með Ómari yfir hálendið.
Í öðru sæti varð Kristján Kristinsson fyrir mynd af Uxatindum. Hann fékk Iphone 5C frá Símanum að launum. Í þriðja sæti varð Jón Hilmarsson fyrir mynd af Aldeyjarfossi í Skjálfandafljóti og í verðlaun hlaut hann gönguferð með Ferðafélagi Íslands. Í fjórða sæti varð María Sjöfn Dupuis Davíðsdóttir fyrir mynd af sundfólki í Víti við Öskju og hún fékk gönguskó frá Útivist í verðlaun.
Landvernd hvetur fólk til að halda áfram að birta hálendismyndir á instragram merktar #hjartalandsins.
Mynd Roar Aagestad af Kýlingum í Friðlandi að Fjallabaki.
Mynd Kristjáns Kristinssonar af Uxatindum.
Mynd Jóns Hilmarssonar af Aldeyjarfossi í Skjálfandafljóti.
Mynd Maríu Sjafnar Dupuis Davíðsdóttur af sundfólki í Víti við Öskju.
