- This viðburður has passed.
Brekkukambsganga Landverndar – Heiðar í háska
8. september, 2024 @ 09:30 - 13:30
Sunnudaginn 08. september kl 09:30 
Gengið verður upp Brekkukamb frá Miðsandi í Hvalfirði.
Við hittumst kl 09:30, við gömlu Þyrilssjoppuna.
Gengið verður sem leið liggur upp á Brekkukamb, sem er í 647 m hæð (sama hækkun og upp að Steini á Esjunni).
Gert er ráð fyrir að gangan taki allt að fjórar klukkustundir.
Fólk ekur á eigin bílum, en fyrir þá sem koma úr Reykjavík verður sameinast í bíla hjá Össuri á Grjóthálsi, kl. 8:30
Allir náttúruunnendur eru hjartanlega velkomnir og athugið að gangan er ekki aðeins fyrir félaga í Landvernd. En við hvetjum auðvitað þátttakendur til að ganga í Landvernd og taka þátt í að verja náttúruna.
Áformuð eru allt að tólf vindorkuvirki í fyrirhuguðu vindorkuveri á Brekkukambi og verður hvert virki 250 metra hátt. Vindorkuverið á Brekkukambi er áætlað um 50 MW að stærð og á að rísa í landi bæjarins Brekku. Nærsamfélagið hefur veitt harða mótspyrnu enda hefði fyrirhugað iðnaðarver mikil áhrif á alla aðra starfssemi á stóru svæði auk augljósra áhrifa á náttúru og lífríki. Nágrannar óttast að vistkerfum með fuglalífi verði stefnt í hættu, auk sjón og hljóðmengunar vindorkuvers sem myndi tróna í 900 metra hæð yfir héraði á hæsta fjalli Hvalfjarðarstrandarinnar.
Mætið í meðmælagöngu með landi því heiðarnar eru í hættu.
Fararstjórar eru Páll Ásgeir Ásgeirsson, Rósa Sigrún Jónsdóttir, heimafólk í Hvalfirði og fulltrúar Landverndar.
Athugið að skráning í ferðina er nauðsynleg.
Nánari upplýsingar veita:
Björg Eva Erlendsdóttir, framkvæmdastjóri Landverndar – 896 1222.
Kristín Helga Gunnarsdóttir, stjórnarfulltrúi í Landvernd – 896 9771.
Lúna Grétudóttir, upplýsingafulltrúi Landverndar – 848 9258.