Fréttir

Minnisvarði til minningar um Má Haraldsson reistur í Gljúfurleit

Landvernd    19.9.2013
Landvernd

Minnisvarði til minningar um Má Haraldsson, bónda í Háholti, oddvita og fjallkóng verður afhjúpaður sunnudaginn 22. september kl. 16.00. 

 

Minnisvarðanum hefur verið valinn staður við bílveginn yfir Lönguhlíð skammt innan við sæluhúsið í Gljúfurleit en þar á háöldunni sér inn til jökla og fjalla. Það er Ferðafélag Íslands sem hefur forgöngu um gerð minnisvarðans í samráði við fjölskyldu Más heitins og ber félagið allan kostnað við framkvæmdir en sveitarstjórn Skeiða- og Gnúpverjahrepps veitti góðfúslega leyfi fyrir að reistur yrði minnisvarða til minningar um Má heitinn. Með þessu vill Ferðafélag Íslands minnast þessa merka og víðsýna manns og baráttu hans fyrir verndun Þjórsárvera. 

Sunnudagurinn 22. september er valinn vegna þess að þá eru eftirsafnssmalar í Gljúfurleit og geta vonandi verðið vistaddir þessa stuttu athöfn. Að henni lokinni er öllum viðstöddum boðnar veitingar í skálnum í Gljúfurleit. Allir eru velkomnir þangað og jafnframt að minnisvarðanum þegar hann verður afhjúpaður.

Næsta sumar lætur Ferðafélagið reisa skjöld á sama stað með fróðleik um fjallferðir á afréttinum fyrr og síðar. Verður þar einnig getið um helstu örnefni og kennileiti sem sjá má af þessum ágæta útsýnisstað. Samráð er þegar hafið við fjallkónga og fjallmenn um efni og gerð textans á upplýsingaskiltinu.


Vista sem PDF

 

Stöndum vörð um náttúru Íslands

Taktu afstöðu og vertu með!

Leita í fréttum



Þátttaka í ákvarðanatöku

foss_hvalá.PNG
Fyrirhugað athafnasvæði Hvalárvirkjunar friðlýst?
Stjórn Landverndar fagnar tillögum Náttúrufræðistofnunar Íslands um að setja stórt svæði við Drangajökul á framkvæmdaáætlun náttúruminjaskrár og friðlýsa svæðið. Tillöguna, ásamt fjölda annarra svæða, hefur Náttúrufræðistofnun birt á heimasíðu sinni. Náttúrufræðistofnun Íslands hefur, eins og lög um náttúruvernd mæla fyrir um,  birt á vef sínum tillögur að svæðum sem stofnunin setur fram á B-hluta náttúruminjaskrár.  Meðal þessara svæða er Drangajökull og nágrenni hans, alls tæplega 1300 km2,