Landvernd og Ferðafélag Íslands efna til gönguferðar á Hengilssvæðinu laugardaginn 29. september n.k. Farið verður í Köldulaugagil, Hagavíkurlaugar og um Stangarháls og sagt frá jarðfræði og líffræði þessara einstöku svæða.
Þann 16. september er árlega haldið upp á Dag íslenskrar náttúru. Á vef sem unnin var í samvinnu Landverndar og Námsgagnastofnunar má finna áhugaverðan fróðleik og skemmtileg verkefni sem nota má í tilefni dagsins.
Föstudaginn 14. september fékk Giljaskóli á Akureyri Grænfánann afhentan í fyrsta sinn. Smá athöfn var í íþróttahúsinu þar sem nemendur lásu upp slagorð og hugleiðingar um umhverfismál, hlustað var á tónlistaratriði og Gerður frá Landvernd afhenti fánann formlega. Fáninn var svo dreginn að húni fyrir utan skólann þar sem hann mun blakta og minna okkur á mikilvægi þess að huga vel að umhverfinu og að fara vel með jörðina okkar!