Þann 25.september síðastliðinn skilaði Landvernd inn umsögn sinni til Umhverfis- og auðlindaráðuneytisins varðandi drög að frumvarpi til laga um náttúruvernd. Umhverfisráðherra skipaði nefnd árið 2009 til að fara yfir núgildandi náttúruverndarlög og gera á þeim breytingar sem birtar voru í Hvítbók árið 2011. Þó nokkur nýmæli eru í lögunum sem Landvernd fagnar sérstaklega og telur vera mikið framfaraskref en auk þess eru lögin heilsteyptari en áður hefur þekkst í löggjöf um náttúruverndarmál.
Þrátt fyrir að gera athugasemdir við einstaka kafla er Landvernd á heildina litið sátt með þessa tillögu en í viðhengi má nálgast þær athugasemdir sem Landvernd gerði við frumvarpið í september.
Á næstu dögum eða vikum verður frumvarpið lagt fyrir Alþingi til atkvæðagreiðslu.