Frá aðalfundi Landverndar.
Nokkuð var um endurnýjun í stjórninni. Björgólfur Thorsteinsson rekstrarhagfræðingur, var endurkjörinn formaður en þau Árni Bragason náttúrufræðingur; Ásdís Hlökk Theodórsdóttir skipulagsfræðingur; Hrefna Sigurjónsdóttir vistfræðingur; Ingibjörg Jónsdóttir landfræðingur og Jón S. Ólafsson vatnalíffræðingur voru kosin í stjórnina. Í stjórn voru fyrir þau Karl Ingólfsson; Sigrún María Kristinsdóttir blaðamaður og nemi í umhverfisfræðum við HÍ; Sveinbjörn Björnsson jarðeðlisfræðingur og fv. rektor Háskóla Íslands og Þórunn Pétursdóttir landgræðslufulltrúi á Vesturlandi.
Guðmundur Steingrímsson sagði sig úr stjórninni sökum þingmennsku en þau Ingibjörg Elsa Björnsdóttir, Guðrún Tryggvadóttir og Magnús Hallgrímsson gáfu ekki kost á sér til endurkjörs. Auk þeirra hvarf Freysteinn Sigurðsson varaformaður úr stjórn en hann lést í lok síðasta árs.
Á fundinum var ennfremur kosið í fagráð.
