Furðu vekur að frumvarp um Náttúru- og minjastofnun er ekki unnið á grunni á náttúruverndarlaga nr. 60/2013. Þar er hvorki minnst á hlutverk stofnunarinnar við að uppfylla alþjóðasamninga er varða náttúruvernd né hlutverk hennar varðandi þjóðlendur, landgræðslusvæði, þjóðskóga og ríkisjarðir með hátt náttúruverndargildi.
Starfsmenn stofnananna sem fyrirhugað er að sameina vinna með mjög beinum hætti að náttúruvernd, svo sem með landvörslu og umsjón með friðuðum svæðum. Í umsögn Landverndar er bent á hættuna á því að þekking, reynsla og aðhald tapist, verði skorið niður í þessum málaflokki. Ítrekað hefur verið bent á að þar er nú þegar undirmönnun og skortur á fjármagni.
Ennfremur er óskýrt er hvernig samstarfi og samvinnu við aðrar stofnanir á sviði náttúruverndar skuli háttað.