Háskóli Íslands tók við fyrsta grænfánanum fyrir vel unnin störf í þágu loftslagsmála, landvernd.is

Háskóli Íslands fær grænfánann í fyrsta sinn

Share on facebook
Share on twitter
Share on email
Háskóli Íslands fékk sinn fyrsta grænfána afhentan við hátíðlega athöfn þann 4. mars 2020. Grænfáninn er alþjóðleg viðurkenning til skóla á grænni grein sem sinna umhverfismennt og innleiða menntun til sjálfbærni í skólastarfið.

Háskóli Íslands fékk sinn fyrsta grænfána afhentan við hátíðlega athöfn þann 4. mars 2020.

Grænfáninn er alþjóðleg viðurkenning til skóla á grænni grein sem sinna umhverfismennt og innleiða menntun til sjálfbærni í skólastarfið.  

Verkefnið er stærsta umhverfismenntaverkefni í heimi og er haldið úti af samtökunum Foundation for Environmental Education. Landvernd hefur umsjón með verkefninu á Íslandi.

Skólinn skráði sig til leiks í verkefnið á vordögum 2019 og hefur Umhverfis- og samgöngunefnd Stúdentaráðs Háskóla Íslands, í samvinnu við aðila innan og utan skólans, unnið hörðum höndum að því að uppfylla kröfur verkefnisins. Skólinn er þar með kominn í hóp 125 háskóla um allan heim sem eru með í verkefninu og meðal 44 háskóla sem hafa fengið grænfánaviðurkenninguna afhenta á heimsvísu.

Nefndin setti sér metnaðarfulla aðgerðaráætlun. Markmiðin voru meðal annars að;

  • auka fræðslu innan skólans um umhverfismál,
  • gera mötuneyti Háskólans loftslagsvænni með auknu framboði á grænkerafæði og minni matarsóun ,
  • minnka umhverfisáhrif samgangna nemenda og starfsmanna.

Umhverfismálin fengu einnig aukið vægi á net- og samfélagsmiðlum Háskólans og viðburðir sem tengjast málefninu voru haldnir. Hér má lesa nánar má lesa um markmið og aðgerðir Háskóla Íslands í verkefninu.

Á meðfylgjandi myndum veitir Aðalbjörg Egilsdóttir, forseti umhverfis- og samgöngunefndar fánanum viðtöku ásamt fleiri fulltrúum nefndarinnar auk Þorbjörgu Söndru Bakke, verkefnisstjóra sjálfbærni- og umhverfismála og Guðbjörgu Lindu Rafnsdóttur, aðstoðarrektor.

 

Katrín Magnúsdóttir, verkefnastjóri Skóla á grænni grein afhendir formanni umhverfisnefndar fyrsta grænfánann, landvernd.is
Share on facebook
Facebook
Share on twitter
Twitter
Share on email
Email
Scroll to Top