Stjórn Landverndar bendir á að samtökin hafa mikið látið sig mögulega uppbyggingu vindorkuvera varða á undanförnum árum og kallað eftir skýru regluverki í kringum hana.
Eins og fram hefur komið telur stjórn Landverndar að virkjanakostir í vindorku eigi að heyra undir lög 48/2011 um vernd og orkunýtingu landssvæða enda er um óafturkræfa orkunýtingu landssvæða að ræða þar sem vindorkuverin ná yfir stór landssvæði með tilheyrandi óafturkræfum umhverfisáhrifum á fugla, gróður, jarðmyndanir og landslag, auk margskonar mengunaráhrifa.
Stjórn Landverndar vill einnig benda á umsagnir sínar um einstök vindorkuver, bæði í tengslum við ferli um mat á umhverfisáhrifum og skipulagsbreytingar einstakra sveitafélaga sem eru aðgengilegar á heimasíðu Landverndar.
