Verðlaunahafar í keppninni Ungt umhverfisfréttafólk 2020 ásamt Vigdísi Fríðu, landvernd.is

Árleg keppni – Ungt umhverfisfréttafólk

Share on facebook
Share on twitter
Share on email
Árlega býðst framhaldsskólanemum að taka þátt í samkeppni Landverndar um bestu umhverfisfréttirnar í verkefninu Ungt umhverfisfréttafólk.

Nemendur í verkefninu Ungt umhverfisfréttafólk hjá Landvernd gefst tækifæri til þess að taka þátt í árlegri keppni Ungs umhvefisfréttafólks! Það er sannarlega til mikils að vinna.

Hvernig tek ég þátt?

Nemendur sem skila verkefnum sínum til Landverndar eru sjálfkrafa skráðir í árlegu samkeppnina. Sérfræðingar innan Landverndar fara yfir öll verkefni sem berast og fara 10 – 15 stigahæstu verkefnin í undanúrslit. Dómnefnd skipuð reyndu fjölmiðlafólki velur síðan fyrsta, annað og þriðja sæti.

Sigurvegarar eiga kost á því að taka þátt í alþjóðlegri samkeppni Ungs umhverfisfréttafólks. 

Auk þess veita Ungir umhverfissinnar, Samband íslenskra framhaldsskólanema og Landssamtök íslenskra stúdenta sérstaka viðurkenningu sem nefnist Val unga fólksins.

Hvernig verkefnum má skila í keppnina?

Tekið er við öllum miðlunarafurðum í keppnina og eru engar kröfur gerðar um lengd, stærð eða gerð verkefnisins.

Skila má fjölbreyttum verkefnum í keppnina!

Hvert og eitt verkefni er yfirfarið með fimm matsviðmið í huga:

  1. Uppbygging og gæði
  2. Sanngirni og hlutlægni
  3. Fróðleikur
  4. Frumleiki og sjálfstæði
  5. Miðlun

Auk matsviðmiðanna þurfa nemendur að tengja verkefni sín við Heimsmarkmið Sameinuðu þjóðanna um sjálfbæra þróun. Nánari upplýsingar um matsviðmiðin má finna hér

Hvað er í verðlaun?

Það er breytilegt milli ára en sem dæmi um fyrri verðlaun má nefna peninga, rafhlaupahjól og fjölda gjafakorta í alls kyns skemmtilegar upplifanir. Verkefnastjóri spyr nemendur reglulega hvað þeir myndu vilja hafa í verðlaun og gerir sitt besta til að uppfylla óskir þeirra. 

Hér má sjá úrslitin í fyrstu árlegu keppninni!

Fyrsta samkeppnin hér á landi var haldin árið 2020. Upphaflega stóð til að greina frá úrslitunum við hátíðlega athöfn í Norræna húsinu en vegna Covid-19 var fallið frá þeirri hugmynd og úrslitin tilkynnt rafrænt í staðinn. Haldin var rafræn frumsýning á netinu og nemendur fylgdust spenntir með sýningunni í sínum skóla eða heima.

Við hvetjum alla áhugasama til þess að horfa á úrslitin 2020 og kynnast verkefninu enn betur!

Markmið keppninnar

  • Keppnin veitir nemendum tækifæri til þess að prófa sig áfram í upplýsingamiðlun og láta ljós sitt skína. Verkefnastjóri aðstoðar áhugasama nemendur við að koma verkum sínum á framfæri og eftir keppnina geta fjölmörg tækifæri boðist.
  • Keppnin skapar tengingu á milli framhaldsskóla í landinu, þar sem nemendur keppa við nemendur úr öðrum skólum. 
  • Keppnin skapar samfélaginu vettvang til þess að fylgjast með því sem ungt fólk er að gera í umhverfismálum.
  • Verkefnum komið á framfæri við helstu fjölmiðla landsins. Þannig er stuðlað að umræðu og kynningu á verkefnum Ungs umhverfisfréttafólks. 
Share on facebook
Facebook
Share on twitter
Twitter
Share on email
Email
Scroll to Top