Project Image

Landvernd leitast við að hafa áhrif á stefnumótun og ákvarðanatöku í umhverfismálum með því að senda inn umsagnir um frumvarpsdrög, þingmál, skipulagsáætlanir, einstakar framkvæmdir og margvíslega áætlanagerð sem viðkemur umhverfismálum.

Fyrsta ferð sumarsins 29. maí - Reykjanes, Reykjanestá og Gunnuhver

Landvernd    23.5.2011
Landvernd
Undanfarin sumur hefur Landvernd ferðast um jarðhitasvæði, ásamt fríðu föruneyti ferðafélaga og sérfróðra leiðsögumanna. Í sumar ætla samtökin að bjóða aftur upp á ferðir í samstarfi við Ferðafélag Íslands. Fyrsta ferðin verður farin um Reykjanes undir traustri leiðsögn Kristjáns Jónassonar sviðsstjóra jarðfræðideildar Náttúrufræðistofnunar.
Dagskráin hefst á því að hópurinn hittist kl. 10.00 í sal FÍ að Mörkinni 6. Áður en lagt verður af stað kynnir Kristján það svæði sem farið verður um og gerum við ráð fyrir að leggja af stað þaðan kl. 10.30 og og er áætluð heimkoma kl. 17.00.
Skráning í ferðina er hjá Ferðafélaginu í síma 568 2533.
Leiðarlýsing er sem hér segir: Ekið á Reykjanes um Hafnir. Litast um við Reykjanesvirkjun. Gengið frá bílastæði við Reykjanesvita vestur að gossprungunni frá 1226 og skoðuð ummerki eftir gosið, en gossprungan var bæði á landi og í sjó. Gengið á Valahnúk og horft yfir brimurðina og Reykjanestá. Gengið að hverasvæðinu og litið á Gunnuhver og Reykjanes-Geysi. Skoðaðar skjálftasprungur. Ekið til baka um Grindavík. Nokkur ganga en ekki erfið.

Tilgangur ferðarinnar er að fræðast um jarðfræði Reykjaness og njóta um leið útivistar í einkar sérstæðri náttúru og góðum félagsskap. Allar ferðir Landverndar eru skipulagðar með það í huga að skoða svæðin sem farið er um út frá verndargildi þeirra. Þess má geta að Kristján hafði ásamt Sigmundi Einarssyni jarðfræðingi með höndum að rannsaka verndargildi háhitasvæða í tengslum við gerð Rammaáætlunar um vernd og nýtingu náttúrusvæða.
Hugmyndir um að stofna eldfjallagarð á Reykjanesi hafa lengi verið við lýði og má lesa sig til um það efni á vef Landverndar.
Við minnum farþega á að taka með sér nesti. Verð kr. 3000 fyrir félaga í Landvernd og/eða Ferðafélagi Íslands; kr. 3900 fyrir ferðafélaga utan félaga.

Helgina 8.-10. júlí verður farið í Kerlingarfjöll með Sigmundi Einarssyni og 12.-14. ágúst í Vonarskarð með Kristjáni Jónassyni.

Sjá nánar Ferðir á www.fi.is

Sími Landverndar er 552 5242.

Reykjanes - Reykjanestá – Gunnuhver
Tími: Sunnudagur 29.5.2011 kl. 10.00-17.00
Brottfararstaður: Mörkin 6

*Myndin er af uppþornuðum hver skammt frá Reykjanesvita sem nefnist Litli Geysir. Hún var tekin í blíðskaparveðri í fyrrasumar í ferð Landverndar.



Tögg

Vista sem PDF

Leita í umsögnum

 

Landvernd eru frjáls félagasamtök sem starfa
að umhverfismálum. 
Taktu afstöðu og vertu með!

Tímamótasamstarf um vernd hálendisins 4.4.2014

Umsögn um tillögu til þingsályktunar um samgönguáætlun 2011-2012 29.2.2012

Nýárskveðja formanns 1.1.2012

Umsögn um hvítbók 15.12.2011

Drög að skipulagsreglugerð 1.12.2011

Umsögn um frumvarp til laga um breytingu á náttúruverndarlögum 30.11.2011

Umsögn um þingsályktunartillögu um stofnun þjóðgarðs við Breiðafjörð 30.11.2011

Umsögn um þingsályktunartillögu um stofnun Hofsjökulsþjóðgarðs 30.11.2011

Frumvarp um breytingu á lögum um upplýsingarétt um umhverfismál 24.11.2011

Umsögn um drög að aðalskipulagi Mýrdalshrepps 22.11.2011

Umsögn um drög að Svæðisskipulagi Suðurnesja 2008-2024 17.11.2011

Umsögn um tillögu til þingsályktunar um eflingu græna hagkerfisins á Íslandi 11.11.2011

Umsögn um drög að frumvarpi til laga um breytingu á lögum um mat á umhverfisáhrifum 9.11.2011

Gengið um Þingvelli á Degi íslenskrar náttúru 14.9.2011

Guðmundur Ingi ráðinn framkvæmdastjóri 14.9.2011

Vonarskarð - víðerni í Vatnajökulsþjóðgarði 13.7.2011

Fjöll og fjölskrúðug hverasvæði Kerlingarfjalla 30.6.2011

Gengið um Grændal 16. júní 14.6.2011

Ályktanir aðalfundar Landverndar 27.5.2011

Fjölmennur aðalfundur Landverndar 27.5.2011

Kynning á frambjóðendum til stjórnar Landverndar 2011 24.5.2011

Efni aðalfundar 2011 - Umgengni við landið 18.5.2011

Tilkynning frá uppstillingarnefnd 17.5.2011

Aðalfundur 26. maí að Nauthóli 9.5.2011

Velheppnuð ferð í Trölladyngju 7.7.2010

Reykjanesskagi ,,Eldfjallagarður og fólkvangur“ 24.8.2006

Brennisteinsfjöll náttúruperlur í túnfætinum 23.8.2006

Málþing um ÍslandsGátt - sjálfbær ferðaþjónusta 9 júni 19.5.2006