Landvernd hefur skilað inn umsögn vegna draga að frumvarpi til laga um breytingu á lögum nr. 55/2003, um meðhöndlun úrgangs, með síðari breytingum.
Landvernd lýsir almennri ánægju með að úrgangsmál landsins skulu tekin föstum tökum með setningu ofangreindra laga.
Landvernd vill taka fram að hún telur jákvætt að í lögunum sé bundið að ráðherra gefi út áætlun um forvarnir gegn myndun úrgangs enda fræðsla og forvarnir mikilvægasti liðurinn í að draga úr úrgangsmyndun (sbr. 5. gr. b liður (6.gr.) ). Einnig lýsir Landvernd ánægju sinni á að fræða skuli almenning um úrgangsstjórnun að höfðu samráði við ýmsa aðila enda heimilisúrgangur stór hluti heildarúrgangsmyndunar. Þó hefði slík áhersla mátt standa framar greinum um úrlausnir í úrgangsmeðhöndlun enda fyrsta skrefið í að takast á við úrgangsmál að draga með markvissum hætti úr úrgangsmyndun.Sértækar athugasemdir Landverndar má sjá í umsögninni hér fyrir neðan.
