Votlendi og viðkvæm svæði á Íslandi ber að vernda, landvernd.is

Umsögn um tillögu Skipulagsstofnunar að landsskipulagsstefnu

Alvarlegar athugasemdir eru gerðar við tillögu Skipulagsstofnunar að landsskipulagsstefnu.

Alvarlegar athugasemdir eru gerðar við tillögu Skipulagsstofnunar að landsskipulagsstefnu.

Þau samtök sem að þessari umsögn koma, Framtíðarlandið, Fuglavernd, Landvernd og Náttúruverndarsamtök Íslands, gera alvarlegar athugasemdir við tillögu Skipulagsstofnunar að landsskipulagsstefnu. Helstu atriði umsagnarinnar eru:

1. Í stað þriggja verndarheilda, eins og tillagan fyrir miðhálendið gerir ráð fyrir, verði þar ein verndarheild með mismunandi stigum verndunar.

2. Þess er krafist að ríkið fari með skipulagsmál hálendisins.

3. Mannvirkjabeltum, eins og þau birtast í tillögunni, er hafnað enda með öllu óljóst hvar þau eigi að liggja og hverskonar mannvirki eigi að leyfa á þeim. Uppbyggingu á fremur að beina að jaðri hálendisins.

4. Verndarheildir og mannvirkjabelti eru afar illa skilgreindar í tillögunni og verður að ráða bót á því.

5. Samtökin leggja áherslu á að ferðamannavegir verði ekki uppbyggðir og að umferð verði beint um Kjalveg og Sprengisand.

6. Til að ná fram markmiðum landsskipulagsstefnu um vernd sérstöðu og náttúrugæða á miðhálendinu, verður að tryggja að ekki verði ráðist í frekari virkjanir eða lagningu háspennulína á svæðinu. Samtökin leggjast harðlega gegn slíkri mannvirkjagerð á svæðinu. Þannig verði tryggt að þær virkjunarhugmyndir á miðhálendinu sem nú eru í biðflokki í þingsályktunartillögu að verndar- og orkunýtingaráætlun færist í verndarflokk í framtíðinni. Annars nást ekki þessi markmið.

7. Í landsskipulagsstefnu þarf að kveða á um að beit á miðhálendinu verði aflögð þar sem land þolir hana ekki þar til bata er náð.

8. Ýmsum áherslum um búsetumynstur og dreifingu byggðar er fagnað en bent á að landsskipulagsstefna verður einnig að ná til skipulags skógræktar og verndar sérstæðs lífríkis, búsvæða og vistkerfa, þar sem slíkt er að finna.

9. Lagt er til að vinnu við gerð stefnu haf- og strandsvæða verði hraðað eins og kostur er enda er henni verulega ábótavant í þeirri tillögu sem hér er til skoðunar.

10. Aðstöðumunur er mikill á milli annarsvegar frjálsra félagasamtaka og annara hagsmunaaðila hinsvegar, svosem orkufyrirtækja og sveitarfélaga hvað varðar þátttöku við mótun tillögu að landsskipulagsstefnu. Þetta veldur lýðræðishalla.

Lesa umsögn Landverndar

Nýlegar umsagnir

Aðkoma almennings takmörkuð með frumvarpinu – Skipulagslög

Breytingarnar sem hér er lýst eru veigamiklar, takmarka möguleika almennings til þess að standa vörð um umhverfi sitt og eru unnar án aðkomu umhverfisverndarsamtaka.

Lesa meira

Fyrir fólkið eða stóriðjuna? – Blöndulína 3

Ljóst er að mikil náttúruverðmæti hvíla á þessari ákvörðun. Með aukinni flutningsgetu verður möguleiki á því að auka við stóriðjuna. Þegar línan hefur svo náð sinni hámarks flutningsgetu, mun skapast sami þrýstingur á að raflínurnar verði enn burðugri.

Lesa meira

Eflum almenningssamgöngur í stað þess að raska náttúrunni – Breikkun Suðurlandsvegar

Landvernd hefur hvatt til meiri áherslu á að styrkja almenningssamgöngur á milli höfuðborgarinnar og sveitarfélaganna fyrir austan fjall. Góðar og tíðar almenningssamgöngur geta komið í stað umfangsmikill og náttúruspillandi vegaframkvæmda.

Lesa meira

Aðkoma almennings takmörkuð með frumvarpinu – Skipulagslög

Breytingarnar sem hér er lýst eru veigamiklar, takmarka möguleika almennings til þess að standa vörð um umhverfi sitt og eru unnar án aðkomu umhverfisverndarsamtaka.

Lesa meira

Fyrir fólkið eða stóriðjuna? – Blöndulína 3

Ljóst er að mikil náttúruverðmæti hvíla á þessari ákvörðun. Með aukinni flutningsgetu verður möguleiki á því að auka við stóriðjuna. Þegar línan hefur svo náð sinni hámarks flutningsgetu, mun skapast sami þrýstingur á að raflínurnar verði enn burðugri.

Lesa meira

Eflum almenningssamgöngur í stað þess að raska náttúrunni – Breikkun Suðurlandsvegar

Landvernd hefur hvatt til meiri áherslu á að styrkja almenningssamgöngur á milli höfuðborgarinnar og sveitarfélaganna fyrir austan fjall. Góðar og tíðar almenningssamgöngur geta komið í stað umfangsmikill og náttúruspillandi vegaframkvæmda.

Lesa meira

Hlustum á vilja íbúa á Seyðisfirði – Umsögn vegna svæðisskipulags Austurlands

Með markmiðum um sjálfbærni verða að fylgja raunverulegar aðgerðir til að stuðla að henni í raun og sann.

Lesa meira

Svona hefur Landvernd áhrif

Landvernd hefur áhrif á stefnumótun og ákvarðanatöku í umhverfismálum með því að skrifa umsagnir, álykta um málefni tengd umhverfisvernd og náttúruvernd. Landvernd krefst þess að farið sé að lögum og hefur látið reyna á nokkur mál fyrir dómi.

Náttúruvernd er loftslagsvernd

Félagar í Landvernd láta sig náttúruna varða. Vertu með í Landvernd og hafðu áhrif. 

Scroll to Top